Yawatmal News: पोषण आहारातील चॉकटेलमध्ये सापडल्या अळ्या! धक्कादायक प्रकारानं पालकांमध्ये संताप

यवतमाळ (प्रतिनिधी : भास्कर मेहरे): विद्यार्थ्यांना यंदा पहिल्यांदाच शासनाने शालेय पोषण आहाराच्या माध्यमातून तांदुळ न देता मिलेट न्यूट्रिशन बार रागी, ज्वार, बाजरा, अशा तीन वेगवेगळ्या प्रकारचे आहार देण्याचा निर्णय घेतला. त्या अनुषंगाने प्रत्येकी 25, असे तिन्ही मिळून प्रती विद्यार्थी 75 मिलेट बार देण्यात येणार होते. पहिल्या आणि दुसऱ्या टप्प्यात उन्हाळ्यात मिलेट बार दिले. तर आता तिसऱ्या टप्प्यात कॉफी रंगाच्या चॉकलेटचे वाटप करण्यात आले.