Success Story : 12 हजार रुपये पगार, कुटुंबाचा खर्चही भागत नव्हता, गड्यानं नोकरी सोडत घेतला मोठा निर्णय, आज 4 कोटींची वार्षिक उलाढाल

दिल्ली : असं म्हणतात की, ‘मंजिल उन्हीं को मिलती है, जिनके सपनों में जान होती है. पंख से कुछ नहीं होता हौसलों से उड़ान होती है’, हे पुन्हा एकदा एका तरुणाने सिद्ध करुन दाखवले आहे. मध्यमवर्गीय कुटुंबातील जी मुले असतात, आपली एक कुटुंब असावी आणि पत्नी, मुलांसह एक आनंदी आयुष्य जगता यावं, त्यांचे स्वप्न असते. मात्र, अनेकांचं हे स्वप्न पूर्ण होत नाही. पण एक तरुण असा आहे, ज्याने कमी पगाराची नोकरी असताना एक मोठा निर्णय घेतला आणि आज आपलं एक वेगळं अस्तित्त्व सिद्ध करुन दाखवलं आहे.

संजय जयसवाल असे या तरुणाचे नाव आहे. त्यांचा जन्म दिल्लीत एका साधारण कुटुंबात झाला. ते पश्चिम दिल्लीतील सुल्तानपुरी येथील रहिवासी आहेत. त्यांनी सुरुवातीच्या काळात फ्लिपकार्ट विक्रेता म्हणून खाजगी क्षेत्रात काम केले. याठिकाणी त्यांचा पगार हा 12 ते 13 हजार होता. मात्र, इतक्या पैशात कुटुंबाचा उदरनिर्वाह करणे शक्य नव्हते. आधी ते फ्लिपकार्टवरून उत्पादने खरेदी करायचे. मात्र, फ्लिपकार्टवर उत्पादनेही विकता येतात, हे त्यांना माहिती झाले.