शेतकऱ्यांनो, ही संधी सोडू नका, अनुदानावर मिळतायेत गाई म्हशी, Video

छत्रपती संभाजीनगर, 27 नोव्हेंबर: नेहमीच बेभरवशाच्या निसर्ग चक्रात अडकणाऱ्या शेतकऱ्यांना जोडधंद्याच्या माध्यमातून आधार मिळत असतो. शेतकऱ्यांना आर्थिक दृष्ट्या सक्षम बनवण्यासाठी सरकारच्या वतीने अशा जोडधंद्यासाठी प्रोत्साहन देण्यात येते. शेतकऱ्यांसाठी सरकारने आणखी एक योजना जाहीर केली आहे. यातून शेतकऱ्यांना पशुपालनासाठी अनुदान मिळणार आहे. जिल्हा परिषद पशुसंवर्धन विभागाकडे अर्ज केल्यास गाई म्हशींसाठी अनुदान मिळेल, असे छत्रपती संभाजीनगर येथील जिल्हा पशुसंवर्धन अधिकारी डॉ. सुरेखा माने यांनी सांगितले.