शेतकऱ्याची लेक मोठ्या कष्टाने झाली मुख्याध्यापिका; पण नोकरीत रमलं नाही मन, राजीनामा देत घेतला मोठा निर्णय

कोठी गावात त्यांची वडिलोपार्जित जमीन आहे. पूर्वी तेथे तांदूळ आणि गव्हाची लागवड व्हायची. मात्र त्यात त्यांचे मोठे नुकसान झाले. त्यानंतर या लोकांनी चांगले उत्पन्न मिळवण्यासाठी आणि लोकांना रसायनमुक्त अन्न मिळेल यासाठी कोणते पीक लावावे असा विचार केला. यानंतर त्यांनी बागायती शेती करण्याचा निर्णय घेतला.

त्यांनी 7 वर्षांपूर्वी सुमारे 6 बिघे जमिनीवर 1200 हून अधिक आंबा, पेरू, लिंबू रोपांची लागवड केली होती. आज त्यांच्या शेतात अलाहाबादी सफेदा, केजी वन आणि तैवानी पिंक यासह अनेक प्रकारचे पेरू आहेत. तसेच आंब्याच्या झाडांमध्ये मल्लिका, जर्दालू, दशहरी प्रजातींचा समावेश आहे.

शमीना सांगतात की, त्या शेतकरी कुटुंबातील आहे. त्यांचे वडील मोठे शेतकरी होते. मात्र, पूर्वी शेतात फक्त तांदूळ किंवा गहू असायचा. त्यात फारसा फायदा होत नव्हता. त्यामुळे आम्ही बागायती शेती करण्याचा विचार केला आणि आज आम्ही दोघे मिळून छान शेती करत आहोत. तसेच मो. अली खान यांनी सांगितले की, ते पेरूचा जाम बनवतात. त्याला मोठी मागणी आहे. दररोज 15 किलो पेरू जाम तयार केला जातो. तसेच त्यांची फळे आणि जाम स्थानिक बाजारपेठेनंतर देशात अनेक ठिकाणी पाठवले जातात, असेही त्यांनी सांगितले.