तुम्ही कधी पाहिला का, गूळ कसा तयार होतो? मराठवाड्यातील सगळ्यात मोठ्या गुऱ्हाळाचा Video

जालना, 10 नोव्हेंबर : पूर्वीच्या काळी गूळ म्हटलं की गुऱ्हाळातून तयार झालेला अस्सल गावरान पद्धतीचा गूळ हेच समीकरण होतं. साखरेचा वापर अतिशय कमी असल्याने गुळाला मागणीदेखील मोठ्या प्रमाणावर होती. काळाच्या ओघात गुऱ्हाळावर तयार होणारा सेंद्रिय गूळ नाहीसा होऊ लागला. आणि मोठमोठ्या कंपन्यांमध्ये गुळाची निर्मिती केली जाऊ लागली. मात्र, गुऱ्हाळात तयार झालेल्या अस्सल गावरान गुळाच्या चवीची बात काही औरच! आज आम्ही तुम्हाला मराठवाड्यातील सगळ्यात मोठ्या गूळ युनिटबद्दल माहिती सांगणार आहोत. जिथे तब्बल सव्वा 200 क्विंटन गुळाची दररोज निर्मिती केली जाते.