Budget 2026: मध्यमवर्गीयांच्या खिशात खेळणार जास्त पैसे, अर्थ मंत्री देणार गुड न्यूज! टॅक्स स्लॅबमध्ये पुन्हा फेरबदल?

Budget 2026: केंद्रीय अर्थसंकल्प २०२६ च्या तयारी अर्थ खात्याकडून करण्यात आली आहे. या दरम्यान, आता काही महत्त्वाचे संकेत दिसू लागले आहेत. वैयक्तिक उत्पन्न कराबाबत मोठी अपडेट समोर आली आहे. अर्थसंकल्प २०२५ मध्ये केलेले मोठे बदल, विशेषतः नवीन कर प्रणालीमध्ये मूलभूत सूट मर्यादा वाढविण्याच्या निर्णयामुळे, ही दिशा आणखी मजबूत झाली आहे. अर्थमंत्री निर्मला सीतारमण यांनी २०२५ च्या अर्थसंकल्पात नवीन कर प्रणाली अंतर्गत कर सवलत मर्यादा ३ लाख रुपयांवरून ४ लाख रुपये केली. यामुळे, मानक वजावटीत वाढ झाल्याने, पगारदार कर्मचाऱ्यांसाठी १२.७५ लाख रुपयांपर्यंतचे उत्पन्न पूर्णपणे करमुक्त झाले आहे.