बायको किंवा आईच्या नावावर घ्या घर, लाखभर रुपये वाचतील, मोदी सरकारची मोठी घोषणा

मुंबई: स्वतःचं घर बांधण्याचं/खरेदी करण्याचं स्वप्न जवळपास प्रत्येकाने पाहिलेलं असतं. घर खरेदी करणं हे काही सोपं काम नव्हे. कित्येक वर्षं कष्ट करून पैसे गाठीशी बांधल्यानंतर हे घराचं स्वप्न सत्यात उतरवू शकतो. तरीही ते कर्जाशिवाय घेणं बहुतांश जणांना शक्य नसतंच. देशाच्या अर्थमंत्री निर्मला सीतारामन यांनी घर खरेदी करणाऱ्या महिलांना दिलासा देणारा निर्णय 2024च्या बजेटमध्ये जाहीर केला आहे. महिलांच्या नावावर घर खरेदी केल्यास रजिस्ट्रीच्या वेळी आकारल्या जाणाऱ्या स्टॅम्प ड्युटीत घट करण्याचा निर्णय घेण्यात आला आहे. त्याचा उपयोग मोठ्या लोकसंख्येला होणार आहे. महिलांच्या नावावर घर खरेदी केलं जात असेल, तर स्टॅम्प ड्युटी कमी आकारण्याचे निर्देश केंद्र सरकारने राज्य सरकारला दिले आहेत. या व्यतिरिक्त केंद्र सरकारने यंदाच्या बजेटमध्ये घराच्या संदर्भात आणखीही अनेक घोषणा केल्या आहेत.