Gold Price : आणखी किती घसरणार सोनं, पैसे गुंतवावेत का? एक्सपर्टने थेट सांगितलं
- Published by:Shrikant Bhosale
Last Updated:
Gold Price News : सुरुवातीच्या वाढीनंतर सोन्याच्या किमतीत थोडी घट झाली आहे. अमेरिकेच्या बाँड यिल्डमध्ये (सरकारी बाँडवर मिळणारे व्याज) वाढ झाल्याच्या कारणाने सोन्याचे दर कमी झाले आहे.
Gold Price News: सुरुवातीच्या वाढीनंतर सोन्याच्या किमतीत थोडी घट झाली आहे. अमेरिकेच्या बाँड यिल्डमध्ये (सरकारी बाँडवर मिळणारे व्याज) वाढ झाल्याच्या कारणाने सोन्याचे दर कमी झाले आहे. मात्र, कमकुवत डॉलर आणि अमेरिका आणि चीनमधील वाढत्या ट्रेड तणावामुळे सोन्याचे भाव अधिक घसरले नसल्याचे वृत्त 'सीएनबीसीन आवाज' ने दिले आहे. तज्ज्ञांनी दिलेल्या माहितीनुसार, जवळपास 1.3 टक्क्यांपर्यंत वाढ झाल्यानंतर स्पॉट गोल्ड (तात्काळ डिलिव्हरीसाठी सोने) फक्त 0.02 टक्के घसरून 2984.16 डॉलर प्रति औंस इतके झाले. वायदे बाजारात अमेरिकन सोन्याचा दर 0.1 टक्क्याने घसरून 2990.20 डॉलर प्रति औंसवर बंद झाला.
बाँड यिल्डमध्ये वाढ का झाली?
अमेरिकेच्या 10 वर्षांच्या बाँड यिल्डमध्ये चांगलीच तेजी दिसून आली. मागील एक आठवड्यातील उच्चांक दर बाँड यिल्डने गाठला. बाँड मधील गुंतवणुकीवर चांगले रिटर्न मिळत असतात, तेव्हा बिन व्याजावर मिळणाऱ्या सोन्याकडे लोकांचा कल वाढतो.
ट्रेड व़़ॉर साठी सोनं महत्त्वाचं
अमेरिका आणि चीनमधील आयात शुल्क (आयात शुल्क) वाढवण्यासाठीचा संघर्ष आणि मंदीच्या भीतीमुळे सोन्याची मागणी मजबूत राहिली. राजकीय किंवा आर्थिक परिस्थिती बिघडते तेव्हा सोने ही सुरक्षित गुंतवणूक मानली जाते.
advertisement
अमेरिका आणि चीनमधील तणाव वाढत आहे. अमेरिकेने चीनवर 104 टक्के व्यापार कर लावण्याची घोषणा केली आहे.
FXTM चे तज्ज्ञ, लुकमॅन ओटुनुगा यांनी 'सीएनबीसी इंटरनॅशनल'ला सांगितले की, मागील काही दिवसात सोन्याच्या दरात घसरण झाली आहे. मात्र, व्यापार युद्ध आणि अमेरिकेत झालेली व्याज दर कपात यामुळे सोन्याच्या किंमती आणखी घसरल्या नाहीत.
सोने दर प्रति औंस 3055 डॉलरच्या वर गेले तर ते 3100 आणि 3130 डॉलरचा दर गाठू शकतो. परंतु जर ते 3000 डॉलरच्या खाली घसरण झाली तर ते 2950 किंवा 2930 पर्यंत घसरू शकते.
advertisement
कमकुवत डॉलर
डॉलर इंडेक्समध्ये घसरण दिसून आली आहे. त्यामुळे इतर देशातील गुंतवणुकदारांसाठी सोने खरेदी करणे अधिक स्वस्त झाले. सोने खरेदीमुळे घसरणाऱ्या डॉलरला काही प्रमाणात आधार मिळतो.
आता पुढे काय होणार?
बाजाराचे सगळे लक्ष अमेरिकेची मध्यवर्ती बँक फेडरल रिझर्व्हच्या निर्णयाकडे आहे. फेडरल रिझर्व्हने व्याज दरात कपात केल्यास सोनं आणखी मजबूत होईल. कॉमर्सबँकेच्या अंदाजानुसार, व्याज दरात घट होईल असा अनेकांचा होरा आहे. त्यामुळे व्याज दरात कपात झाल्यास सोन्याच्या दरात वाढ होण्याची शक्यता आहे.
advertisement
एकंदरीत सोन्याच्या किमती किंचित कमी झाल्या असतील, परंतु अमेरिका आणि चीनमधील वाढता तणाव, कमकुवत डॉलर आणि व्याजदर कपातीची अपेक्षा यामुळे सोन्याला सुरक्षित गुंतवणूक म्हणून ठेवले आहे. जर परिस्थिती अशीच राहिली तर सोन्याचा भाव पुन्हा 3100 डॉलर प्रति औंसचा टप्पा ओलांडू शकतो.
Location :
Mumbai,Maharashtra
First Published :
April 09, 2025 1:48 PM IST
