इतके महाग सोने विकत घ्यायचे का? पश्चात्ताप होण्याआधी खरेदी करा, ही 10 कारणं तुमचा विचार बदलून टाकतील
- Published by:Jaykrishna Nair
Last Updated:
Gold Price News: 2025 मध्ये सोन्याच्या दरांनी झपाट्याने नवे उच्चांक गाठले आहेत. जागतिक अस्थिरतेच्या पार्श्वभूमीवर तज्ज्ञांनी याला ‘सर्वात सुरक्षित गुंतवणूक’ ठरवत 10 ठोस कारणं दिली आहेत.
मुंबई: सध्याच्या अस्थिर जागतिक अर्थव्यवस्थेच्या पार्श्वभूमीवर सोने सुरक्षित गुंतवणुकीचा पर्याय म्हणून पुन्हा एकदा समोर आले आहे. मार्चमध्ये 10% आणि एप्रिलमध्ये आतापर्यंत 6% इतकी झपाट्याने किंमत वाढलेले सोने 2025 मध्ये आतापर्यंत 20 वेळा 'ऑल टाइम हाय'वर पोहोचले आहे. अशा घडामोडींच्या पार्श्वभूमीवर तज्ज्ञांनी 10 कारणं दिली आहेत की ज्यामुळे सध्या सोने खरेदी करणं अत्यंत फायदेशीर ठरू शकतं.
सोने खरेदी करण्यामागची 10 कारणं:
1. ट्रेड वॉर आणि टॅरिफ तणाव:
अमेरिका आणि चीनमधील व्यापारयुद्ध आणि टॅरिफवाढीच्या संघर्षामुळे जागतिक बाजारात अनिश्चितता आहे. पुढील 90 दिवस अत्यंत निर्णायक असतील.
2. सेंट्रल बँकांची प्रचंड खरेदी:
जगभरातील सेंट्रल बँकांकडून मागील 3 वर्षांपासून प्रत्येक वर्षी 1000 टनांहून अधिक सोने खरेदी करण्यात आले आहे. चीनने मार्च 2025 मध्ये सलग 5व्या महिन्यात सोने खरेदी केली आहे.
advertisement
3. स्टॅगफ्लेशनचा धोका:
अमेरिकन फेडरल रिझर्व्हच्या माहितीनुसार, देशात मंदी आणि महागाई यांचा एकत्रित धोका आहे. अशा स्थितीत सोने नेहमीच चांगली कामगिरी करते.
4. चीनमध्ये गोल्ड ETF गुंतवणूक वाढली:
मार्च 2025 मध्ये चीनच्या गोल्ड ETF मध्ये तब्बल 1 अब्ज डॉलर्सची गुंतवणूक झाली.
5. फेड दर कपात करू शकतो:
2025 मध्ये दोन वेळा व्याजदर कपात होण्याची शक्यता आहे. ज्यामुळे डॉलर कमकुवत होईल आणि सोन्याला फायदा होईल.
advertisement
6. 2000 पासून फक्त 2 नकारात्मक वर्षं:
गेल्या 25 वर्षांत केवळ 2 वर्षं सोने तोट्यात राहिलं आहे. त्यामुळे दीर्घकालीन गुंतवणुकीसाठी हा अत्यंत विश्वासार्ह पर्याय आहे.
7. जिओपॉलिटिकल तणाव:
रशिया-युक्रेन युद्ध आणि इस्रायल-हमास संघर्ष यांसारख्या घटनांमुळे सोनं 'सेफ हेवन' म्हणून लोकप्रिय आहे.
advertisement
8. चलन तणाव वाढला:
डॉलर निर्देशांक 3 वर्षांतील नीचांकी पातळीवर पोहोचला आहे. त्यामुळे जगभरात सोने स्वस्त झाले आहे.
9. अमेरिकेचे विक्रमी कर्ज:
नोव्हेंबर 2024 मध्ये अमेरिका कर्जाच्या $36 ट्रिलियन पार गेला. हे जागतिक स्तरावर मोठा धोका ठरतो आहे.
10. शेअर बाजारातील अस्थिरता:
2025 मध्ये शेअर बाजार नकारात्मक असून, पोर्टफोलिओमध्ये स्थैर्य आणण्यासाठी सोने अत्यंत उपयुक्त आहे.
Location :
Mumbai,Maharashtra
First Published :
April 12, 2025 3:47 PM IST
मराठी बातम्या/मनी/
इतके महाग सोने विकत घ्यायचे का? पश्चात्ताप होण्याआधी खरेदी करा, ही 10 कारणं तुमचा विचार बदलून टाकतील
