Gold Silver Rate: सोनं पुन्हा महागणार, 110000 पार जाणार? पुण्यातील सराफा व्यापाऱ्याने सांगितलं कारण, Video

पुण्यातील सराफा बाजारात शुक्रवारी 22 कॅरेट सोन्याचा भाव 94 हजार 500 रुपये होता, तर 24 कॅरेट सोन्याचा भाव 1 लाख 2 हजार 300 रुपये इतका होता. शनिवारी मात्र 22 कॅरेट सोनं 96 हजार 900 रुपयांवर गेले असून, 24 कॅरेट सोन्याचा दर 1 लाख 3 हजार 200 रुपयांपर्यंत वाढला आहे. सोन्याच्या दरात अजून वाढ होण्याची शक्यता आहे. हा भाव 1 लाख 10 हजारापर्यंत येत्या काळात जाऊ शकतो, असे व्यापारी ललित मेहता यांनी सांगितले आहे.

भारतातील बहुतेक सोने आयात केले जाते. त्यामुळे आयात शुल्क, जीएसटी आणि स्थानिक करही किमतीत वाढ किंवा घट घडवू शकतात. याशिवाय, जागतिक परिस्थितीही महत्त्वाची भूमिका बजावते. युद्ध, आर्थिक मंदी, व्याजदरातील बदल किंवा बाजारातील अनिश्चितता या सर्व गोष्टींचा सोन्याच्या भावावर मोठा परिणाम होतो. विशेष म्हणजे, अनिश्चित काळात गुंतवणूकदार सोने सुरक्षित गुंतवणूक मानून खरेदी करतात. त्यामुळे मागणी वाढल्यास सोन्याचा भावही वाढतो.