Trending:

High Net Worth: सोन्याच्या खाणीपेक्षा श्रीमंतीचा नवा हॉटस्पॉट, भारतात धनकुबेरांचा स्फोट;गुंतवणुकीचा ट्रेंड बदलला

Published by:Jaykrishna Nair

Last Updated:March 05, 2025 11:01 PM IST

High Net Worth in India: भारतामध्ये श्रीमंतांची संख्या झपाट्याने वाढत असून गुंतवणुकीच्या पद्धतींमध्ये मोठे बदल दिसून येत आहेत. रिअल इस्टेटऐवजी स्टॉक्स, स्टार्टअप्स आणि टेक इंडस्ट्रीमध्ये गुंतवणूक वाढली आहे. भारत हा आता जागतिक श्रीमंतीच्या नकाशावर एक प्रमुख केंद्र म्हणून उदयास येत आहे.

मुंबई: देशातील श्रीमंतांची संख्या वेगाने वाढत आहे. भारतातील 1 कोटी डॉलर्सहून अधिक निव्वळ संपत्ती असलेल्या व्यक्तींची संख्या लवकरच 1 लाखाच्या जवळ पोहोचेल. ग्लोबल प्रॉपर्टी कन्सल्टंट नाइट फ्रँकने नुकतीच जाहीर केलेल्या 'द वेल्थ रिपोर्ट 2025' मध्ये ही माहिती समोर आली आहे. गेल्या एका वर्षात 1 कोटी डॉलर्सहून अधिक संपत्ती असलेल्या भारतीय उच्च-नेट-वर्थ व्यक्तींची (HNWIs) संख्या 80,686 वरून 85,698 पर्यंत वाढली आहे. म्हणजेच तब्बल ६% वाढ झाली आहे. या रिपोर्टमध्ये अंदाज व्यक्त करण्यात आला आहे की ही संख्या 2028 पर्यंत 93,753 पर्यंत पोहोचेल. हे आकडे भारताची वाढती संपत्ती आणि आर्थिक मजबुती दर्शवतात.

भारत संपत्तीचा केंद्रबिंदू

नाइट फ्रँकच्या अहवालानुसार भारत आता 191 अरबपतींचा देश बनला आहे. विशेष म्हणजे गेल्या वर्षीच 26 नवीन व्यक्ती या यादीत समावेश झाला आहे. तर 2019 मध्ये ही संख्या केवळ 7 होती. भारतातील श्रीमंतांची संख्या ही आर्थिक विकास, वाढते गुंतवणुकीचे संधी आणि वाढणारे लक्झरी मार्केट वाढत असल्याची लक्षणे असल्याचे या अहवालात म्हटले आहे.

शेअर बाजार पॅनिक, स्वस्तात मिळाले म्हणून 1661 कोटीचे शेअर्स घेतले, बसला तडाखा

भारतीयीची संपत्ती 950 अब्ज डॉलर्स

संपत्तीच्या बाबतीत भारताने जागतिक स्तरावर तिसरे स्थान मिळवले आहे. भारतीय अरबपतींची एकूण संपत्ती सुमारे 950 अब्ज डॉलर्स (सुमारे 82.65 लाख कोटी रुपये) आहे. अमेरिका (5.7 ट्रिलियन डॉलर्स) आणि चीन (1.34 ट्रिलियन डॉलर्स) हे अनुक्रमे पहिल्या आणि दुसऱ्या क्रमांकावर आहेत.

कुटुंबाचे पैसे बुडाले,1 हजार 760 कोटींचे नुकसान; गुंतवणूकदारांसाठी धोक्याची घंटा

भारतीय श्रीमंतांच्या गुंतवणुकीत बदल

नाइट फ्रँक इंडियाचे चेअरमन आणि मॅनेजिंग डायरेक्टर शिशिर बैजल यांच्या मते, भारतातील संपत्ती वाढ हे देशाच्या दीर्घकालीन आर्थिक वाढीचे संकेत आहेत. भारतीय अरबपती आता केवळ रिअल इस्टेटपुरते मर्यादित न राहता इक्विटी आणि इतर संपत्ती प्रकारांमध्येही मोठ्या प्रमाणावर गुंतवणूक करत आहेत. या बदलांमुळे येत्या दशकात जागतिक संपत्ती निर्मितीत भारताची भूमिका आणखी महत्त्वाची ठरणार आहे.

Location :

Mumbai,Maharashtra

First Published :

March 05, 2025 11:01 PM IST

High Net Worth: सोन्याच्या खाणीपेक्षा श्रीमंतीचा नवा हॉटस्पॉट, भारतात धनकुबेरांचा स्फोट;गुंतवणुकीचा ट्रेंड बदलला