नोकरीत मन रमले नाही, तरुणाने सुरू केला एमबीए बर्गर स्टॉल, आता महिन्याला 1 लाख कमाई

मंदार याने आपल्या जवळील मित्रांसोबत नाशिकमध्ये कॅफे सुरू केला. परिस्थिती बिकट असल्याने त्याने हा सर्व खर्च बँकेचे लोन घेऊन पूर्ण केला. कालांतराने मित्राने देखील हा बिझनेस सोडण्याचे त्याला सांगितले. त्या वेळेस कॅफेमधून बाहेर पडल्यानंतर हातात पैसे नसल्याने बँकेवाले घरी पैसे मागण्यासाठी येत असल्याचे मंदार सांगतो. बँकेचे पैसे भरण्यासाठी मंदार याने पुन्हा एका छोट्या कंपनीत नोकरी केली. परंतु नोकरीत मन लागतच नसल्याने त्याने स्वतःचा छोटा का होईना पण व्यवसाय करावा हेच ठरविले आणि 2023 मध्ये एमबीए बर्गरची स्थापना केली. आज मंदार या माध्यमातून महिन्याला 1 ते दीड लाखांचे उत्पन्न घेत असतो.

व्यवसाय सुरू करण्यासाठी अनेक लोकांकडे मंदार याने आपले हात पसरले होते. परंतु आज त्याचे हे यश पाहून सोडून गेलेले देखील त्याच्याकडे पुन्हा येत असल्याचे त्याने लोकल 18 सोबत बोलताना सांगितले.

तुम्हाला जर एमबीए बर्गर खायचे असल्यास नाशिकमधील निलेश सुपर मार्केट, सिरिन मेडोज, गंगापूर रोड परिसरात त्याची ही गाडी लागलेली असते. तसेच याच्याकडे फक्त 30 रुपयांपासून बर्गर मिळत असल्याने गर्दी देखील होत असते.