दिवाळीला 4 दिवस बंद राहणार शेअर बाजार! सुट्टी, मुहूर्त ट्रेडिंगची वेळ घ्या जाणून

खरंतर, मुहूर्त ट्रेडिंग निश्चितच होईल आणि त्यासाठीच्या वेळा देखील निश्चित करण्यात आल्या आहेत. येत्या आठवड्यात चार दिवस शेअर बाजार बंद राहतील. शेअर बाजाराच्या सुट्ट्यांबद्दल संपूर्ण माहिती खाली दिली आहे.

दिवाळी आणि लक्ष्मीपूजनामुळे भारतीय शेअर बाजार 21 ऑक्टोबर (मंगळवार) बंद राहील. दिवाळी बलिप्रतिपदानिमित्त 22 ऑक्टोबर (बुधवार) देखील व्यवहार होणार नाही. दरम्यान, 25 ऑक्टोबर (शनिवार) आणि 26 ऑक्टोबर (रविवार) रोजी आठवड्याच्या सुट्ट्यांमुळे शेअर बाजार बंद राहील. याचा अर्थ असा की आठवड्यातून फक्त तीन दिवस शेअर बाजार खुला राहील. मल्टी कमोडिटी एक्सचेंज देखील 21 आणि 22 ऑक्टोबर रोजी दिवाळीसाठी बंद राहील.

दिवाळीच्या शुभ मुहूर्तावर, 21 ऑक्टोबर 2025 ही एनएसई आणि बीएसई वर मुहूर्त ट्रेडिंगची तारीख निश्चित करण्यात आली आहे. गुंतवणूकदार 21 ऑक्टोबर रोजी दुपारी 1:45 ते 2:45 पर्यंत मुहूर्त ट्रेडिंगमध्ये सहभागी होऊ शकतात. प्री-ओपन सत्र दुपारी 1:30 ते 1:45पर्यंत नियोजित आहे. गुंतवणूकदारांसाठी मुहूर्त ट्रेडिंग शुभ मानले जाते.

असे मानले जाते की, मुहूर्त ट्रेडिंगमध्ये गुंतवणूक केल्याने वर्षभर समृद्धी आणि नफ्याच्या संधी मिळतील. भारतात मुहूर्त ट्रेडिंगची परंपरा खूप जुनी आहे. भारतीय गुंतवणूकदार दिवाळीला नवीन वर्षाची सुरुवात मानतात आणि वर्षाची सकारात्मक सुरुवात करण्यासाठी मुहूर्त ट्रेडिंगमध्ये गुंतवणूक करतात. गेल्या काही वर्षातील आकडेवारीवरून असे दिसून येते की भारतीय शेअर बाजार शुभ संकेत घेऊन आला आहे आणि मुहूर्त ट्रेडिंग दरम्यान हिरव्या रंगात बंद झाला आहे.

पुढील आठवड्याच्या दिवाळीच्या सुट्टीनंतर, ५ नोव्हेंबर रोजी गुरु नानक जयंती आणि २५ डिसेंबर रोजी ख्रिसमससाठी शेअर बाजार बंद राहील.