बँकेतील मोठ्या पगाराची नोकरी सोडली, शेणाची गादी बनवली; आता फेमस ब्रँड, पुणेकर देवयाणीची कहाणी

याच प्रक्रियेतून पुढे जात त्यांनी गाईच्या शेणापासून विविध वस्तू तयार करण्याचा संशोधनप्रवास सुरू केला. दोन वर्षांच्या सततच्या प्रयोगांनंतर त्यांनी ॲक्युप्रेशर फोल्डेबल गादी तयार करण्यात यश मिळवले आणि या संकल्पनेचं पेटंटही त्यांच्या नावावर नोंद झालं. भारतीय संस्कृतीत गाईचे शेण आणि गोमूत्र हे आरोग्यवर्धक मानले जाते. पूर्वी घरांच्या भिंती व अंगण शेणाने लिपायची परंपरा होती. त्या आरोग्यदायी गुणांचा अभ्यास करून शेणापासून तयार केलेल्या रांगोळ्या, आसन, लॅम्प, आणि अनेक उपयुक्त वस्तूंना ग्राहकांकडून उत्स्फूर्त प्रतिसाद मिळू लागला.

सध्या त्यांच्याकडे माती व शेणापासून तयार होणाऱ्या तब्बल 70 ते 80 वस्तूंची रेंज आहे. किमान 150 रुपयांपासून किमतीची ही उत्पादने स्वस्त, नैसर्गिक आणि पर्यावरणपूरक असल्याने बाजारातही त्यांची मागणी वेगाने वाढताना दिसते. मातीच्या व्यवसायाला दहा वर्षे पूर्ण झाली असली तरी शेणापासून उत्पादने तयार करण्याचा व्यवसाय हा काही महिन्यांपूर्वीच सुरू झाला आहे. या व्यवसायासाठी कुटुंबियांचा चांगला पाठिंबा मिळत आहे.