कॅन्सरने मुलगा गेला, विजय बनले अनाथांचे नाथ; 150 मुलांना घडवलं, 19 मुलींचं लावलं लग्न, प्रवास सुरूच!

पुणे: शेकडो अनाथ मुलांच्या आणि निराधार वृद्धांच्या डोक्यावर मायेचं छत्र उभे करणारे आणि एका परिवाराप्रमाणे त्यांचा सांभाळ करणारी संस्था म्हणजे आपलं घर. पुण्यातील सिंहगडाच्या पायथ्याशी डोणजे येथे आपलं घर ही संस्था आहे. या संस्थेची स्थापना विजय फळणीकर यांनी 2001 साली केली. संस्थेमध्ये अनाथाश्रम आणि वृद्धाश्रम आहेत. निसर्गाच्या सान्निध्यात असलेली आपलं घर संस्था गेल्या 25 वर्षांपासून अनाथ मुलांचा आणि निराधार पालकांचा सांभाळ करत आहे. या संस्थेमधून 150 पेक्षा अधिक मुलं शिक्षण घेऊन बाहेर पडले आहेत. काही मुली लंडनमध्ये स्थायिक झाल्या आहेत. अनेक मुलं स्वतःच्या पायावर उभी राहिली आहेत. या संस्थेविषयी विजय फळणीकर यांनी लोकल 18 ला माहिती दिली आहे.