शेअर बाजारात नवीन आहात? समजून घ्या IPO म्हणजे नेमकं काय, यात गुंतवणूक करावी की नाही...

पुणे : गेल्या काही वर्षांपासून शेअर बाजारात गुंतवणूक वाढली आहे. त्यामुळे 'आयपीओ' हा शब्द आपल्या कानावर पडलाच असेल. आयपीओ हा शेअर बाजारात गुंतवणुकीचा एक मार्ग आहे.

आयपीओ म्हणजे 'इनिशियल पब्लिक ऑफरिंग' अर्थात प्रारंभिक भागविक्री. ही एक अशी प्रक्रिया आहे ज्यात खासगी मालकीची कंपनी पहिल्यांदा लोकांना आपले शेअर्स ऑफर करून सार्वजनिक-व्यापारी कंपनी बनते. यासाठी कंपन्‍या शेअर बाजारात स्‍वत:ला लिस्‍टेड म्हणजेच सूचीबद्ध करून शेअरमध्‍ये गुंतवणूकदारांसाठी विक्री प्रस्‍ताव आणतात. शेअर बाजारात लिस्‍टेड झाल्‍यामुळे कंपनीची विस्‍तृत माहिती सार्वजनिक होते.

आयपीओच्या माध्यमातून कंपनी ठराविक शेअर्स विक्रीला काढते. आयपीओतील शेअरचा लॉट आणि किंमत ठरलेली असते. हा आयपीओ ठराविक दिवशी सबस्क्रिप्शनसाठी खुला होतो आणि काही दिवस खुला असतो. इच्छुक गुंतवणूकदार त्यात गुंतवणूक करू शकतात. आयपीओचं सबस्क्रिप्शन बंद झाल्यानंतर एक किंवा दोन दिवसांनी या आयपीओचं वाटप होतं. त्यानंतर हा शेअर राष्ट्रीय शेअर बाजार (NSE), मुंबई शेअर बाजार (BSE) किंवा दोन्ही बाजारात सूचीबद्ध होतो. एकदा शेअर सूचीबद्ध झाला की कोणीही ते शेअर विकू शकतं. सर्वसामान्यपणे शेअरच्या किंमतीचा अंदाज घेऊन गुंतवणूकदार हा निर्णय घेत असतात.

ट्रेडर डॉ. गणेश जाधव यांनी दिली.