Success Story : नोकरी सोडली, मधमाशी पालनाचा सुरू केला व्यवसाय, तरुणाची वर्षाला 15 लाखांची उलाढाल, Video
- Reported by:Pragati Bahurupi
- Published by:Mohan Najan
Last Updated:
नोकरीपेक्षा स्वतःचा व्यवसाय करावा, असा विचार मनात आल्याने त्यांनी 2018-19 मध्ये मधमाशी पालनाचा प्रवास सुरू केला. मोठा भाऊ सचिन नंदकिशोर येणूरकर यांच्या मार्गदर्शनातून आणि पाठबळातून या व्यवसायाची प्रेरणा मिळाली.
नागपूर: नागपूर जिल्ह्यातील हिंगणा तालुक्यातील कान्होलिबारा या गावातील शुभम नंदकिशोर येणूरकर. या शेतकरी कुटुंबातील तरुणाने स्वतःच्या मेहनतीतून आणि धाडसातून मधमाशी पालनाचा व्यवसाय उभा केला. शुभम यांनी फायर इंजिनिअरिंगचे शिक्षण पूर्ण करून दोन वर्षे रिलायन्स पॉवर प्लांटमध्ये नोकरी केली. परंतु नोकरीपेक्षा स्वतःचा व्यवसाय करावा, असा विचार मनात आल्याने त्यांनी 2018-19 मध्ये मधमाशी पालनाचा प्रवास सुरू केला. मोठा भाऊ सचिन नंदकिशोर येणूरकर यांच्या मार्गदर्शनातून आणि पाठबळातून या व्यवसायाची प्रेरणा मिळाली. पुण्यात सात दिवसांचे प्रशिक्षण घेतल्यानंतर कृषी संमेलनातून 8 बॉक्स घेऊन या प्रवासाची सुरुवात झाली.
भांडवल आणि सुरुवातीच्या अडचणी
शुभम यांनी 2 लाख रुपयांच्या बचतीतून 40 बॉक्स घेतले. यात 1.5 लाख रुपये बॉक्स खरेदीसाठी तर उर्वरित 50 हजार रुपये व्यवसाय सुरू करण्यासाठी वापरले. काही प्रमाणात मोठ्या भावाचा आर्थिक आधारही मिळाला. परंतु सुरुवातीला नॉलेज कमी असल्याने पुस्तकातून शिकलेल्या गोष्टी प्रत्यक्षात उपयोगी पडत नव्हत्या. त्यामुळे त्यांनी स्वतः अनेक ठिकाणी विनामोबदला काम करून प्रत्यक्ष अनुभव घेतला.
advertisement
पावसाळ्यात टेंटमध्ये राहणे, साप-कोल्ह्यांचा त्रास, मधमाशांचा दंश सहन करून ग्राहकांना समजावून घेणे अशा अनेक संकटांना तोंड देत त्यांनी व्यवसाय सुरू ठेवला. दिंडोरी (म.प्र.) ते ललितपूर या प्रवासादरम्यान झालेल्या अपघातात मित्राचा मृत्यूही डोळ्यासमोर पाहिला. तरीही खचून न जाता त्यांनी या व्यवसायात आपली वाटचाल सुरू ठेवली.
advertisement
नवीन संकल्पना आणि विस्तार
मधमाशी पालनातून केवळ मधच नव्हे तर मेण, बी पोलन, हनी कँडी, गिफ्ट पॅक, हनीकॉम्ब अशा विविध प्रॉडक्ट्सची निर्मिती होत असल्याचे त्यांनी अनुभवले. मेणावर आधारित कॉस्मेटिक आणि औषधनिर्मितीचे उत्पादन, तसेच पोलिनेशनसाठी पेट्या उपलब्ध करून देण्याचा नवीन उपक्रम त्यांनी सुरू केला.
वार्षिक उलाढाल किती?
40 बॉक्सपासून सुरू झालेला व्यवसाय आज 400 बॉक्सपर्यंत पोहोचला आहे. यातून दरवर्षी 12 ते 14 टन मध उत्पादन होत असून बी-टू-बी (होलसेल) व चिल्लर विक्री या दोन्ही माध्यमातून व्यवसाय वाढत आहे. यातून त्यांची वर्षाला 15 लाखांची उलाढाल होत आहे.
advertisement
रोजगार निर्मिती आणि विक्रीचे माध्यम
view commentsआज शुभम यांनी पाच लोकांना रोजगार दिला आहे. विक्रीसाठी अमूल यांसारख्या मोठ्या कंपन्यांबरोबरच स्वतःचा The Hive Honey हा ब्रँड त्यांनी उभा केला आहे. मॉल, मेडिकल, तसेच विविध प्रदर्शन आणि स्टॉलच्या माध्यमातून थेट ग्राहकांपर्यंत पोहोचवले जात आहे. 2021 मध्ये त्यांनी नंतवर्षा अपियरी नावाने स्वतःचा मधमाशी फार्म सुरू केला आणि The Hive Honey या ब्रँडची स्थापना केली. आज या ब्रँडची बाजारपेठेत खास ओळख निर्माण झाली आहे.
Location :
Nagpur,Maharashtra
First Published :
Sep 19, 2025 3:10 PM IST
मराठी बातम्या/मनी/
Success Story : नोकरी सोडली, मधमाशी पालनाचा सुरू केला व्यवसाय, तरुणाची वर्षाला 15 लाखांची उलाढाल, Video
