पीपीएफ, सुकन्या समृद्धी योजनेत बचत करणाऱ्यांनो करा हे काम, अन्यथा फ्रिज होईल अकाउंट

मुंबई, 3 सप्टेंबर: मुला-मुलींचे शिक्षण, विवाह, आपत्कालीन वेळी पैसे उपलब्ध व्हावेत यासाठी बचत करणे गरजेचे असते. अनेक लोक यादृष्टीने आर्थिक नियोजन करत असतात. सरकारने लोकांची ही गरज लक्षात घेत पीपीएफ, सीनिअर सिटिझन्स सेव्हिंग्ज स्किम आणि नॅशनल सेव्हिंग्ज सर्टिफिकेट सारख्या लहान बचत योजना सुरू केल्या आहेत. आज लाखो भारतीय नागरिक या योजनांचा लाभ घेत आहेत. तुम्ही देखील या योजनांचा लाभ घेत असाल तर ही बातमी तुमच्यासाठी महत्त्वाची आहे. जर तुम्ही येत्या 30 सप्टेंबर 2023 पर्यंत पोस्ट ऑफिस किंवा बँकेत आधार कार्ड जमा केलं नाही तर या बचत योजनेचं अकाउंट गोठवलं जाणार आहे. आधार कार्ड दिल्यानंतर हे अकाउंट पुन्हा सक्रिय केलं जाईल. संबंधित मंत्रालयाने या संदर्भात 31 मार्च 2023 ला नोटिफिकेशन जारी केलं होतं. `नवभारत टाइम्स`ने याविषयीचे वृत्त दिले आहे.