Prasad Lad : विधीमंडळाबाहेर वातावरण तापलं, सत्ताधारी राजीनाम्यासाठी आक्रमक, दानवेंनीही स्पष्टच सांगितलं

मुंबई : विधानपरिषदेचे विरोधी पक्षनेते अंबादास दानवे यांनी विधीमंडळात प्रसाद लाड यांच्याबद्दल अपशब्द वापरल्याने राजकारण तापलं आहे. विधानसभेच्या पावसाळी अधिवेशनाच्या चौथ्या दिवशी कामकाजावेळी दानवे यांनी शिवीगाळ केल्यानं आता भाजप आमदार प्रसाद लाड यांनी विधीमंडळाच्या पायऱ्यांवर आंदोलन केलं. शिव्या देणं ही महाराष्ट्राची संस्कृती नाही असं प्रसाद लाड म्हणाले. सत्ताधाऱ्यांनी अंबादास दानवे यांच्या राजीनाम्याचीही मागणी केली. तर अंबादास दानवे यांनी मी राजीनामा देणार नाही आणि माफी मागणार नाही असं स्पष्ट सांगितलं.