मुंबईची 'कचरा कोंडी' होणार! पगार नाही तर या मागणीसाठी सफाई कामगार संपावर?

मुंबई:  मुंबई महापालिकेच्या सफाई व परिवहन खात्यातील प्रस्तावित कंत्राटीकरणाच्या विरोधात कामगारांनी आक्रमक भूमिका घेतली आहे. महापालिकेच्या 97 टक्के कर्मचाऱ्यांनी संपाच्या बाजूने कौल दिला आहे. मात्र, आज 17 जुलै रोजी कामगार संघटनांच्या शिष्टमंडळाला मुख्यमंत्र्यांनी भेट देणार असून त्या भेटीत जे ठरेल, त्यानंतर संपाबाबत अंतिम निर्णय होणार आहे. या भेटीतून मार्ग न निघाल्यास परिवहन आणि सफाई या दोन्ही खात्यांतील कामगार संपावर जाण्याची शक्यता आहे. त्यामुळे मुंबईतील साफसफाईची कामे ठप्प पडण्याची भीती असून मुंबईची कचरा कोंडी होणार आहे.