Mumbai Water Cut: मुंबईकर पाणी जपून वापरा, 30 तासांसाठी पुरवठा बंद, काय आहे कारण?

मुंबई: मुंबईकरांसाठी अत्यंत महत्त्वाची बातमी आहे. येत्या बुधवारपासून 30 तासांसाठी मुंबईच्या काही भागातील पाणीपुरवठा बंद राहणार आहे. बुधवारी (5 फेब्रुवारी) रोजी सकाळी 11 ते गुरुवारी (6 फेब्रुवारी) रोजी सायंकाळी 5 वाजेपर्यंत 2400 मिलीमीटर व्यासाची जलवाहिनी कार्यान्वित करण्यासाठी काही भागाचा पाणी पुरवठा बंद ठेवण्यात येणार असल्याची माहिती बृहन्मुंबई महापालिकेकडून देण्यात आली आहे. त्यामुळे नागरिकांना पाणी जपून वापरावे लागणार आहे.