मेगा भरती! सेंट्रल बँक ऑफ इंडियात नोकरीची संधी, ‘या’ तारखेपर्यंत करा ऑनलाईन अर्ज
- Published by:Shankar Pawar
- Reported by:Sitraj Ramesh Parab
Last Updated:
Central Bank of India Recruitment 2025: सेंट्रल बँक ऑफ इंडिया येथे नोकरीची संधी उपलब्ध झालीये. 266 विविध पदांच्या भरतीसाठी ऑनलाईन अर्ज करावा लागणार आहे.
मुंबई: बँकिंग क्षेत्रात करिअरचा विचार करणाऱ्यांसाठी नोकरीची मोठी संधी उपलब्ध झालीये. सेंट्रल बँक ऑफ इंडियामध्ये मेगा भरती निघाली आहे. तब्बल 266 पदांसाठी ही भरती होत असून तुम्हाला अधिकारी होण्याची चांगली संधी मिळणार आहे. सेंट्रल बँकेने ज्युनिअर मॅनेजमेंट ग्रेड स्केल-1 (झोन बेस्ड ऑफिसर) पदांच्या भरतीसाठी ऑनलाईन अर्ज मागवले आहेत. अर्ज करण्याची शेवटची तारीख 9 फेब्रुवारी 2025 असणार आहे. त्यामुळे ही सुवर्ण संधी सोडायची नसेल तर लगेच अर्ज करावा लागणार आहे.
पात्रतेचे निकष काय?
सेंट्रल बँक ऑफ इंडियातील भरतीसाठी उमेदवारांनी मान्यताप्राप्त विद्यापीठ किंवा संस्थेतून पदवी घेतलेली असावी. याशिवाय मेडिकल, चार्टर्ड अकाऊंटन्सी (CA) आणि इंजिनीअरिंग सारखी विशेष पात्रता असलेले उमेदवार देखील या भरतीसाठी अर्ज करू शकतात. भरती प्रक्रियेसाठी उमेदवाराचे वय 21 वर्षापेक्षा कमी आणि 32 वर्षापेक्षा जास्त नसावे. त्यासाठी वयाची गणना 30 नोव्हेंबर 2024 च्या आधारे करण्यात येणार आहे.
advertisement
कसा करायचा ऑनलाईन अर्ज?
सर्वप्रथम सेंट्रल बँक ऑफ इंडियाचे अधिकृत संकेतस्थळ ‘centralbankofindia.co.in’ या वर जायचं. त्यानंतर होमपेजवरील भरतीसंबंधित लिंकवर क्लिक करावी. पुढे ‘Apply Online’ या बटणावर क्लिक करा आणि संपूर्ण अर्ज भरा. आता आवश्यक कागदपत्रे अपलोड करून अर्ज शुल्क भरा. त्यानंतर तुमच्या अर्जाची प्रिंट घ्या.
advertisement
अर्जसाठी शुल्क किती?
सेंट्रल बँक ऑफ इंडियामधील भरतीसाठी आरक्षणानुसार अर्जाचे शुल्क आकारण्यात येत आहे. जनरल, ओबीसी आणि ईडब्ल्यूएस उमेदवारांसाठी अर्ज शुल्क 850 रुपये असणार आहे. तर एससी, एसटी, पीडब्ल्यूडी आणि महिला उमेदवारांसाठी 175 रुपये अर्ज शुल्क भरावे लागेल.
advertisement
निवड प्रक्रिया कशी?
सेंट्रल बँक ऑफ इंडियामध्ये नोकरी मिळवण्यासाठी सर्वप्रथम उमेदवारांना ऑनलाईन परीक्षा द्यावी लागेल. यामध्ये बँकिंगसोबतच इंग्रजी, संगणक, जनरल अवेअरनेस आणि इकॉनॉमिक्सचे प्रश्न विचारले जातील. त्यानंतर ऑनलाईन परीक्षेच्या निकालाच्या आधारे यशस्वी उमेदवारांना मुलाखतीसाठी बोलावण्यात येईल. शेवटी परीक्षा आणि मुलाखत यांच्या एकत्रित गुणांच्या आधारे उमेदवारांची निवड केली जाईल. अधिक माहितीसाठी सेंट्रल बँक ऑफ इंडियाचे अधिकृत संकेतस्थळ centralbankofindia.co.in. यावर भेट देऊ शकता.
view commentsLocation :
Mumbai,Maharashtra
First Published :
February 02, 2025 10:46 AM IST
मराठी बातम्या/मुंबई/
मेगा भरती! सेंट्रल बँक ऑफ इंडियात नोकरीची संधी, ‘या’ तारखेपर्यंत करा ऑनलाईन अर्ज
