Railway Update: मध्य रेल्वेचा मोठा निर्णय, नाताळसाठी मुंबईतून थेट मडगावला ट्रेन, पाहा वेळापत्रक आणि थांबे

मुंबई: नाताळ व नववर्षाच्या सुट्यांच्या काळात प्रवाशांची वाढती गर्दी लक्षात घेता मध्य रेल्वे प्रशासनाने एक महत्त्वाचा निर्णय घेतला आहे. प्रवाशांच्या सोयीसाठी गाडी क्रमांक 22115/22116 लोकमान्य टिळक टर्मिनस–करमळी–लोकमान्य टिळक टर्मिनस साप्ताहिक एक्सप्रेसची सेवा तात्पुरत्या स्वरूपात मडगावपर्यंत वाढवण्यात आली आहे. ही विशेष सेवा 18 डिसेंबर ते 15 जानेवारी 2026 या कालावधीत उपलब्ध राहणार आहे. या निर्णयामुळे मुंबई, कोकण आणि गोवा दरम्यान प्रवास करणाऱ्या पर्यटकांना तसेच स्थानिक प्रवाशांना मोठा दिलासा मिळणार आहे.