BKC Tunnel Road : वाहतूक कोंडीला कायमचा रामराम! कोस्टल रोड-BKC-विमानतळ प्रवासाचा वेळ वाचणार, थेट भुयारी मार्ग होणार

मुंबई : मुंबईमध्ये गेल्या काही वर्षात अनेक महत्त्वपूर्ण प्रकल्प पूर्ण होत आहे. ज्याचा मुख्य फायदा मुंबई अन उपनगरातील वाहतुक कोंडी कमी करण्यासाठी होत आहे तसेच काही मुख्य ठिकाणी पोहचणे नागरिकांना सोपे होत आहे. यामध्ये आता राज्य सरकारने मुंबई शहरात भुयारी मार्गाचे जाळे तयार करण्याचा मोठा निर्णय घेतला आहे. त्यानुसार एमएमआरडीए आता वरळी ते मुंबई विमानतळ, बीकेसी आणि बुलेट ट्रेन स्थानक यांना जोडणाऱ्या भुयारी मार्गाच्या आखणीसाठी कामाला लागले आहे.