Mumbai News : कोस्टल रोडवरुन वाहन चालवणार असाल तर सावधान, पोलिसांनी घेतला मोठा निर्णय

कोस्टल रोडवरील बोगद्यात काही वाहनांनी तब्बल 140 किमी प्रतितास वेग गाठल्याचे कारवाईदरम्यान समोर आले आहे. विशेषतहा रात्री उशिरा आणि पहाटे रस्ता मोकळा असताना वेगमर्यादेचे उल्लंघन मोठ्या प्रमाणात होत असल्याचे आढळले आहे. अनेक चालक ओव्हरटेकच्या नादात नियंत्रण गमावून अपघातांना कारणीभूत ठरत आहेत.

ई-चलन प्रणाली सुरू झाल्यानंतर दिवसाला 500हून अधिक चलन जारी होत असून कारवाईचा सकारात्मक परिणाम दिसून येत आहे. डिसेंबर आणि जानेवारी महिन्यात कारवाईचे प्रमाण घटल्याने वेगावर नियंत्रण मिळत असल्याचे पोलिसांनी सांगितले आहे. नियम तोडणाऱ्यांवर थेट गुन्हे दाखल करण्याचाही इशारा देण्यात आला आहे