Mumbai Best Bus : 83 वर्षांची साथ सुटणार... मुंबईकरांची लाडकी बेस्टची एक बस होणार इतिहास जमा

'1942’ ही बस अनेक वर्षं “सुरक्षितता हेच आमचं ध्येय” या ब्रीदवाक्यासह मुंबईच्या रस्त्यांवर धावत राहिली. या बसच्या निरोपानिमित्ताने ‘आपली बेस्ट आपल्यासाठी’ या संस्थेने आणि बेस्टप्रेमी नागरिकांनी मिळून एक विशेष निरोप सोहळा आयोजित केला. सकाळी गोराई आगारातून बस क्रमांक '1942' मधून प्रवास सुरू झाला आणि या बसने वांद्रे-वरळी सागरी सेतू व नव्याने तयार झालेल्या कोस्टल रोड मार्गे दक्षिण मुंबई गाठली.

आपली बेस्ट आपल्यासाठी’ संस्थेचे रुपेश शेलटकर म्हणाले, “मुंबईतील सार्वजनिक वाहतुकीचं जाळं बेस्टपासून सुरू होतं. पण निधीअभावी आणि चुकीच्या धोरणांमुळे बेस्टचा सुवर्णकाळ मागे पडत चाललाय. बेस्ट वाचवणं म्हणजे मुंबईचं अस्तित्व वाचवणं आहे.” आज ‘1942’ बस काळाच्या पडद्याआड गेली असली, तरी तिच्या लाल रंगात दडलेला इतिहास, आवाजातली ओळख आणि चाकांवर फिरणाऱ्या आठवणी या सर्व गोष्टी मुंबईकरांच्या मनात कायम राहतील.