Ganpati Special Modi Express: गणपती स्पेशल ‘मोदी एक्स्प्रेस’; तिकीट, जेवण सगळंच FREE, बुकिंग कुठं?

कोकणात जाणाऱ्या गणेशभक्तांसाठी मंत्री नितेश राणे यांच्या माध्यमातून गणपती स्पेशल मोदी एक्स्प्रेस ही विशेष रेल्वे सेवा गेल्या 12 वर्षांपासून सुरू आहे. यंदा ही सेवा खास असून गणेशभक्तांसाठी दोन ट्रेन धावणार आहेत. लोकसभा आणि विधानसभा निवडणुकीत कोकणातील जनतेने भारतीय जनता पार्टी आणि राणे कुटुंबाला भरभरून दिले आहे. कणकवली, देवगड आणि वैभववाडीच्या जनतेने तिसऱ्यांदा लोकप्रतिनिधी म्हणून निवडून दिले. त्यामुळे यंदा कोकणवासीयांसाठी 2 विशेष ट्रेन सोडणार असून भक्तांसाठी मोफत जेवण आणि पाण्याची व्यवस्था केल्याचेही राणे यांनी सांगितले.

शनिवार 23 ऑगस्ट रोजी दादर रेल्वे स्टेशन प्लॅटफॉर्म क्रमांक 14 वरून सकाळी 11 वाजता मोदी एक्स्प्रेस सुटेल. ही ट्रेन रत्नागिरी आणि कुडाळला थांबेल. या गाडीचा अंतिम थांबा सावंतवाडी असेल. तसेच रविवार 24 ऑगस्ट रोजी दादर रेल्वे स्टेशन प्लॅटफॉर्म क्रमांक 14 वरून सकाळी 11 वाजता सुटणारी ट्रेन वैभववाडी आणि कणकवली येथे थांबेल.

दरम्यान, या डबल धमाका स्पेशल मोदी एक्स्प्रेसचा लाभ सर्व कोकणवासीयांना घ्यावा, असे आवाहन मंत्री नितेश राणे यांनी केले आहे.