Ganpati Special Train: मध्य रेल्वेचा मोठा निर्णय, या मार्गांवर धावणार 44 गणपती स्पेशल ट्रेन, पाहा वेळापत्रक

मध्य रेल्वेकडून दिवा-चिपळून-दिवा मेमू दैनिक अनारक्षित विशेष ट्रेनच्या आणखी 2 सेवा चालवण्यात येतील. पूर्वी जाहीर केलेल्या 38 अनारक्षित विशेष ट्रेनऐवजी आता 40 अनारक्षित विशेष ट्रेन असणार आहेत. दिवा-चिपळूण-दिवा मेमू दैनिक अनारक्षित विशेष ट्रेन ही 22 ऑगस्ट ते 10 सप्टेंबर या काळात चालवी जाईल. त्यामुळे गणेशोत्सव काळात 296 विशेष ट्रेन गणेशभक्तांच्या सेवेत असणार आहेत.

लोकमान्य टिळक टर्मिनस – सावंतवाडी रोड – लोकमान्य टिळक टर्मिनस द्वैसाप्ताहिक विशेष ट्रेनच्या एकूण 8 सेवा चालवण्यात यतील. ही गाडी 28 आणि 31 ऑगस्ट, तसेच 4 आणि 7 सप्टेंबर रोजी लोकमान्य टिळक टर्मिनस येथून सकाळी 8.45 वाजता सुटेल. त्याच दिवशी रात्री 10.20 वाजता सावंतवाडी येथे पोहोचेल. या गाडीच्या 4 सेवा चालवण्यात येतील. ही गाडी परतीच्या प्रवासात 28 आणि 31 ऑगस्ट तसेच 4 आणि 7 सप्टेंबर रोजी सावंतवाडीतून रात्री 11.20 वाजता सुटेल. दुसऱ्या दिवशी दुपारी 12.30 वाजता लोकमान्य टिळक टर्मिनस येथे पोहोचेल. या गाडीचे आरक्षण 3 ऑगस्टपासून सुरू होईल.

दिवा – खेड – दिवा मेमू दैनिक अनारक्षित विशेष गाड्यांच्या 36 सेवा चालवण्यात येणार आहेत. ही मेमू विशेष ट्रेन 22 ऑगस्ट ते 8 सप्टेंबरपर्यंत दिवा येथून दुपारी 1.40 वाजता सुटेल आणि त्याच दिवशी सायंकाळी 8 वाजता खेडला पोहोचेल. परतीच्या प्रवासात ही ट्रेन 23 ऑगस्ट ते 9 सप्टेंबरदरम्यान खेड येथून रोज सकाळी 8 वाजता सुटून त्याच दिवशी दुपारी 1 वाजता दिवा येथे पोहोचेल.