Mumbai Guide : "आज मेरे पास गाडी है, बंगला है!", पण तुमच्याकडे नसली तरी काळजी नको; कमी खर्चात पाहा रेखाचा आलिशान बंगला

रेखाचे खरे नाव भानुरेखा गणेशन असून 1954 साली त्यांचा जन्म चेन्नई येथे झाला. त्यांचे वडील तामिळ फिल्म इंडस्ट्रीशी संबंधित होते आणि आई तेलुगु भाषिक पार्श्वभूमीची होती. लहानपणापासूनच रेखाला चित्रपटांची आवड होती आणि 13 वर्षांच्या वयातच त्यांनी बालचित्रपटांमध्ये काम करण्यास सुरुवात केली.

रेखा यांचे मुंबईतील घर खूप प्रसिद्ध आहे कारण ते त्यांच्या चाहत्यांसाठी आकर्षणाचे केंद्र आहे. हा बंगला मुंबईच्या अत्यंत पॉश भागात स्थित आहे. रेखा यांचे घर बॉलिवूडचे अभिनेता शाहरुख खान आणि सलमान खान यांच्या घराजवळ आहे. किंग खानसारखाच रेखांचा बंगला समुद्राच्या अगदी समोर आहे. या घराचे नाव 'बसेरा' असे आहे. घराची अधिकृत किंमत जाहीर केलेली नसली तरी मीडिया रिपोर्ट्सनुसार त्याची किंमत सुमारे 1 अब्ज रुपयांच्या आसपास आहे.

जर तुम्ही मुंबईच्या वेस्टर्न लाईनवर असाल तर हा बसेरापर्यंत पोहोचण्याचा सर्वात सोपा मार्ग आहे. तुम्हाला थेट बांद्रा स्टेशनवर उतरणे आवश्यक आहे. मग काय हा बंगला बांद्रा स्टेशनपासून अगदी जवळ आहे. येथे उतरल्यावर तुम्ही बस, रिक्षा किंवा कॅबने सहज जाऊ शकता.

जर तुम्ही सेंट्रल लाईनवरील कुठल्याही भागात राहत असाल जसे ठाणे, कल्याण, डोंबिवली किंवा सीएसटी परिसर तर पहिल्यांदा तर तुम्हाला दादर स्टेशनपर्यंत पोहोचावे लागेल. दादर हे सेंट्रल आणि वेस्टर्न लाईनचे मुख्य जंक्शन आहे. दादरवर उतरल्यावर वेस्टर्न लाईनवरून थेट बांद्रा स्टेशनकडे जाणारी ट्रेन पकडा. हा प्रवास साधारण 10-15 मिनिटांचा आहे.

जर तुम्ही हार्बर लाईनवर राहत असाल जसे की वाशी, नेरुळ किंवा पनवेल परिसर तर सुरुवातीस तुम्हाला कुर्ला स्टेशनपर्यंत पोहोचावे लागेल. कुर्लावर उतरल्यावर वेस्टर्न लाईनवर थेट जाणारी ट्रेन पकडून बांद्रा स्टेशनवर पोहचता येईल.

बांद्रा स्टेशनवर उतरल्यावर पुढचा प्रवास अतिशय सोपा आहे. खालील पर्याय तुम्ही वापरू शकता.

बांद्रा स्टेशनच्या पश्चिम बाहेर पडल्यावर तुम्हाला सहजपणे रिक्षा किंवा टॅक्सी मिळेल. फक्त चालकाला बांद्रा बँडस्टँड किंवा रेखांचा बंगला असे सांगितले की तो तुम्हाला थेट तिथे पोहोचवेल. हा प्रवास सुमारे 10 ते 15 मिनिटांचा असून भाडं साधारण 60 ते 100 रुपये दरम्यान असेल.

बांद्रा स्थानकातून बँडस्टँडकडे जाणारी BEST बसही उपलब्ध आहे. बस स्टेशनच्या बाहेरून मिळते. बस प्रवासादरम्यान तुम्हाला समुद्रकिनाऱ्याचे मनमोहक दृश्य पाहायला मिळेल.

जर तुम्हाला सोयीस्कर प्रवास हवा असेल तर तुम्ही ऑला, उबर किंवा रॅपिडो सारख्या ऑनलाइन कॅब सेवा वापरू शकता. या कॅब्स तुम्हाला थेट बंगल्यापर्यंत पोहोचवतील.