'मराठी नसलेल्यांनीच अप्लाय करा', मुंबईतल्या जाहिरातीने वाद, मनसेचा खळखटॅकचा इशारा, शिवसेनाही आक्रमक

या जाहिरातीत त्यांनी ' फक्त परप्रांतीयांसाठी नोकरी' अशी अट घातली आहे. आम्हाला केवळ नॉन-महाराष्ट्रीयनपुरूष उमेदवार पाहिजेत असं कंपनीने म्हटलं आहे. या जाहिरातीवरून मोठा वाद निर्माण झाला आहे. महाराष्ट्रात राहून यांची इतकी हिंमत कशी होते? असा प्रश्न उपस्थित केला जात आहे. तसेच शिवसेनेच्या ठाकरे गटाच्या उपनेत्या सुष्मा अंधारे आणि मनसे नेते संदीप देशपांडे यांनी या जाहिरातीवर संताप व्यक्त केला आहे. या कंपन्यांवर राज्य सरकारचा वचक असायला हवा, असं देशपांडे यांनी म्हटलं आहे. जर या कंपन्यांनी सरकारला जुमानलं नाही तर त्यांची वीज जोडणी व पाणी बंद करा अशी मागणी देखील देशपांडे यांनी केली आहे.