नववीत असताना बहिणीच्या दिरावर जडलं प्रेम, त्याने केलं दुसरीशीच लग्न; अनुश्री मानेची चर्चेत आलेली Love Story

सोशल मिडिया इन्फ्लुएन्सर अनुश्री माने सध्या बिग बॉस मराठी 6च्या घरात आहे. घरात सध्या तिचं आणि अभिनेता राकेश बापटचं चांगलंच भांडण झालं आहे. अनुश्री माने सोशल मीडियावरचं चर्चेत असलेलं नाव आहे.

अनेक कॉन्ट्रोवर्सी, व्हायरल रिल्समुळे सातत्यानं ट्रोल होत असते. स्वत:च्या लव्ह स्टोरी आणि ब्रेकअपमुळेही अनुश्री माने चर्चेत आली होती.

अनुश्री माने तिच्या मावस बहिणीच्या दिराच्या प्रेमात पडली होती. अर्जुन मोरे असं तिच्या बॉयफ्रेंडचं नाव होतं. दोघांनी एकत्र अनेक व्हिडीओ आणि रोमँटिक रील्स शेअर केल्या होत्या. इतकंच नाही तर अनुश्रीने स्वतःच्या युट्यूब चॅनेलवरून बॉयफ्रेंडची ओळख करून देणारा व्हिडीओही शेअर केला होता. त्या काळात दोघं लग्न करणार असल्याचंही बोललं जात होतं.

अनुश्रीने एका मुलाखतीत सांगितलं होतं की, बहिणीच्या लग्नात त्यांची ओळख झाली होती. तेव्हा अनुश्री नववीत होती. त्यानंतर इन्स्टाग्रामवर 'आय लव्ह यू' असा मेसेज आला आणि हळूहळू त्यांचं बोलणं वाढत गेलं. सुरुवातीला ती बॉयफ्रेंडला ‘अहो जाओ’ करायची, असंही तिने सांगितलं होतं.

लॉकडाऊनच्या काळात अनुश्री बहिणीच्या बाळासाठी त्यांच्या घरी राहायला गेली होती. त्याच काळात दोघांची जवळीक वाढली. "आम्ही कधी प्रेमात पडलो हे आम्हालाच कळलं नाही", असं अनुश्रीनं म्हटलं होतं.

अनुश्री तिच्या बॉयफ्रेंडबरोबर रोमँटीक रील्स शेअर करायची. दोघांना त्यामुळे ट्रोलही करण्यात आलं होतं. दोघांनी अनेक मुलाखती देत दोघांची लव्ह स्टोरीही सांगितली होती. मात्र काही काळानंतर त्यांचं नातं तुटलं. ब्रेकअपनंतर अनुश्रीनं 'तेरे बिन हम जी लेंगे' असं म्हणत इमोशनल पोस्ट शेअर केली होती.

ब्रेकअपनंतर अर्जुन मोरेने दुसऱ्याच मुलीशी लग्न केलं, तर अनुश्री अजूनही सिंगल आहे. बिग बॉसमध्ये जाण्याआधी अनुश्री माने झी मराठीवरील चल भावा सिटीत या रिअलिटी शोमध्ये दिसली होती.