Kalyan Crime : जगात येण्याआधीच पोटावर लाथ मारून घेतला बाळाचा जीव, शेजाऱ्याचं क्रूर कृत्य

मुंबई : कल्याण येथून एक अत्यंत क्रूर आणि हृदय पिळवटून टाकणारी घटना समोर आली आहे. डोक्यावरील टोपीसारख्या क्षुल्लक कारणावरून शेजाऱ्यांमध्ये झालेल्या जोरदार भांडणामध्ये एका आरोपीने गर्भवती महिलेच्या पोटात क्रूरपणे लाथ मारली. यामुळे तिच्या पोटातील बाळाचा (गर्भस्थ अर्भकाचा) जागीच मृत्यू झाला. जगात येण्याआधीच या बाळाचा शेवट झाला आहे. ही धक्कादायक घटना कल्याणजवळील मोहने येथील लहूजीनगर मैदानात घडली.