Local Train Incident : बापरे! लोकल प्रवास प्रवास करताना सावधान; थेट धावत्या रेल्वेत पुरुष प्रवाशासोबत घडलं भयंकर
Last Updated:
Mumbai Local Theft : मुंबई लोकलमध्ये पुन्हा एकदा चोरीची घटना घडली आहे. कल्याणचे विनय थिटमे यांची मुंब्रा स्टेशनजवळ प्रवासादरम्यान लॅपटॉप बॅग चोरीला गेली. बॅगमध्ये लॅपटॉप, रोख रक्कम आणि महत्त्वाची कागदपत्रे होती. पोलिसांकडे तक्रार दाखल करण्यात आली आहे.
मुंबई : मुंबई परिसरात लोकल प्रवास सुरक्षित नसल्याच्या घटना सतत समोर येत असताना, कल्याणमध्ये राहणारे विनय थिटमे (वय34) यांच्या बाबतीत घडलेली घटना पुन्हा एकदा सुरक्षेवर प्रश्नचिन्ह उभे करते. 27 नोव्हेंबरच्या रात्री सव्वानऊ वाजण्याच्या सुमारास विनय थिटमे हे नेहमीप्रमाणे घरी परतण्यासाठी लोकलने प्रवास करत होते. मात्र मुंब्रा रेल्वे स्थानकात ट्रेन पोहोचताच काही क्षणांच्या गोंधळात त्यांच्या समोरच भीषण घटना घडली. रॅकवर सुरक्षित ठेवलेली त्यांची बॅग कोणीतरी क्षणात उचलली आणि गर्दीतच तो गायब झाला.
धावत्या गाडीत पुन्हा घडला भयानक प्रकार
या बॅगमध्ये केवळ त्यांच्या दैनंदिन वापराच्या वस्तू नव्हत्या, तर एक लाख रुपयांचा महागडा लॅपटॉप, दीड हजार रुपये, तसेच आधार कार्ड, पॅन कार्ड, ड्रायव्हिंग लायसन्स अशा महत्त्वाच्या कागदपत्रांचा समावेश होता. एका क्षणात सर्वकाही चोरीला गेल्यामुळे विनय थिटमे यांना मोठा आर्थिक आणि मानसिक धक्का बसला आहे.
या घटनेनंतर त्यांनी तातडीने ठाणे लोहमार्ग पोलिस ठाण्यात तक्रार नोंदवली आहे. तरीही धावत्या गाडीत अशाप्रकारे बॅग चोरी जाणे प्रवाशांच्या सुरक्षेसाठी गंभीर इशारा ठरत आहे. लोकलमधील वाढती गर्दी आणि काही मिनिटांचा गोंधळ या सगळ्याचा फायदा उचलून चोरटे प्रवाशांना लक्ष्य करत आहेत.प्रत्येक दिवशी लाखो प्रवासी हा प्रवास करतात, मात्र अशा घटना वारंवार घडत असल्यामुळे प्रवासातील सुरक्षिततेबद्दल भीतीचे सावट वाढत आहे.
advertisement
मुंब्रा–ठाणे मार्ग हा चोरीच्या घटनांसाठी आधीपासून चर्चेत असून या प्रकरणाने ती भीती आणखी वाढवली आहे. प्रवाशांच्या सुरक्षेचे पुरेसे उपाय न घेतल्यास पुढील काळात आणखी गंभीर घटना घडण्याची शक्यता नाकारता येणार नाही. लोकल प्रवास हा मुंबईचा कणा मानला जातो, पण त्याच लोकलमध्ये प्रवाशांचे सामान आणि कधीकधी त्यांचा जीवही असुरक्षित असल्याची भीषण वस्तुस्थिती या घटनेतून पुन्हा समोर आली आहे.
view commentsLocation :
Mumbai,Maharashtra
First Published :
November 30, 2025 10:45 AM IST
मराठी बातम्या/मुंबई/
Local Train Incident : बापरे! लोकल प्रवास प्रवास करताना सावधान; थेट धावत्या रेल्वेत पुरुष प्रवाशासोबत घडलं भयंकर


