Marathi Morcha : 'ठाकरेंची मुलं बॉम्बे स्कॉटीशमध्ये शिकली', इंग्रजीतल्या शिक्षणावर आदित्य पहिल्यांदाच बोलले

मुंबई : उद्धव आणि राज हे ठाकरे बंधू एकत्र येण्याची जोरदार चर्चा सुरू असतानाच आदित्य ठाकरेंनी अत्यंत सूचक विधान केलंय. त्रिभाषा धोरणाविरोधातील 5 जुलैच्या मोर्चात सगळे मराठी भाऊ एकत्र येतील असं मोठं विधान आदित्य ठाकरे यांनी केलंय. न्यूज 18 लोकमतच्या 'समृद्ध महाराष्ट्र' या विशेष कार्यक्रमात संपादक मंदार फणसे यांनी घेतलेल्या मुलाखतीत बोलताना आदित्य ठाकरेंनी दोन्ही ठाकरे बंधू या मोर्चात एकत्र दिसतील असंही म्हटलंय. त्याचबरोबर आम्ही एकत्र येणं महाराष्ट्राच्या मनात असून आमच्यात कुठलाच वाद नाही असा खुलासाही आदित्य ठाकरे यांनी केला आहे.