Mumbai MHADA : म्हाडाची बंपर लॉटरी, पण सर्वसामान्यांच होतोय हिरमोड; नव्या किंमती ऐकून तुम्हीही व्हाल अवाक्

ताडदेव येथील क्रिसेंट टॉवरमधील घरांची किंमत पहिल्या सोडतीत साडेसात कोटी रुपये होती. त्यावर तीव्र टीका झाल्यानंतर पुढील सोडतीत दर कमी करण्यात आले होते. 2024 मधील सोडतीत ही किंमत 6 कोटी 77 लाख ते 6 कोटी 82 लाख रुपयांपर्यंत होती. मात्र आता पुन्हा दरवाढ करण्यात आली असून प्रथम प्राधान्य योजनेत या घरांची किंमत 7 कोटी 58 लाख रुपये ठेवण्यात येणार असल्याची माहिती सूत्रांनी दिली आहे. याचप्रमाणे जुहू येथील उच्च उत्पन्न गटातील घरांचे दरही चार कोटींहून अधिक वाढून पाच कोटींच्या पुढे जाण्याची शक्यता आहे.