MHADA Lottery 2025 : घराचं स्वप्न पूर्ण होणार! म्हाडाच्या 5285 घरांसाठी लॉटरी, आजपासून करा अर्ज

वसई, ठाणे, कुळगाव-बदलापूर आणि सिंधुदुर्ग येथे एकूण 5,285 घरे आणि 77 भूखंड लॉटरीद्वारे विक्रीसाठी उपलब्ध करून दिली जात आहेत. ही लॉटरी संगणकीकृत पद्धतीने 3 सप्टेंबर 2025 रोजी होणार असून, अर्ज प्रक्रिया सोमवारी 14 जुलै 2025 दुपारी 1 वाजता सुरू होणार आहे. ही घरे विविध योजना आणि श्रेणींमध्ये देण्यात येणार असून, अर्ज करण्याची संपूर्ण प्रक्रिया ऑनलाइन आणि पारदर्शक असेल. ही प्रक्रिया ‘गो-लाइव्ह’ कार्यक्रमाच्या माध्यमातून सुरू होणार आहे.