Mumbai : सकाळी कामासाठी घराबाहेर पडले अन् आक्रित घडलं; बसचा दरवाजा ठरला कारण; 58 वर्षीय व्यक्तीचा दुर्दैवी अंत

बस सुरू असतानाच तिच्या डाव्या बाजूचा लगेज कपाटाचा दरवाजा अचानक उघडला. हा दरवाजा थेट भीमराव मोरे यांच्या डोक्याला जोरात आदळला. या जोरदार धडकेमुळे मोरे रस्त्यावर कोसळले. अपघात इतका गंभीर होता की ते जागीच गंभीर जखमी झाले.

या घटनेची माहिती मिळताच दहिसर पोलीस घटनास्थळी दाखल झाले. पोलिसांनी बस चालकाला ताब्यात घेऊन अटक केली आहे. तसेच अपघातास कारणीभूत ठरलेल्या बसची तपासणी करण्यात आली असून पुढील चौकशी सुरू आहे. बस चालकाच्या निष्काळजीपणामुळे हा अपघात घडल्याचा प्राथमिक अंदाज पोलिसांनी व्यक्त केला आहे. खासगी बसमधील सुरक्षिततेच्या उपाययोजनांवर पुन्हा एकदा प्रश्नचिन्ह उपस्थित झाले आहे. या घटनेमुळे परिसरात संतापाचे वातावरण आहे.