Trending:

BMC Muslim Corporator List : मुंबईत 'पतंग' गगनाला भिडली, काँग्रेसची 'शांतीत क्रांती', पाहा मुंबईतील विजयी मुस्लीम उमेदवारांची यादी!

Published by:Saurabh Talekar

Last Updated:Jan 17, 2026 8:51 AM IST

Muslim Corporator In Mumbai BMC Election : मुंबई महापालिकेत यंदा ३१ मुस्लिम नगरसेवक निवडून आले आहेत, ही संख्या २०१७ मधील २७ नगरसेवकांच्या तुलनेत ४ ने वाढली आहे. मुस्लिम समुदायाने पुन्हा एकदा काँग्रेसवर मोठा विश्वास दाखवला.

इम्पॅक्ट शॉटतुमचा गेटवे लेटेस्ट न्यूज

Mumbai BMC Election Muslim Corporator List

Muslim Corporator Win In Mumbai : मुंबई महानगरपालिका (BMC) निवडणुकीच्या निकालांमध्ये एका विशिष्ट समुदायाने आपले राजकीय वर्चस्व सिद्ध केल्याचे दिसून येत आहे. या निवडणुकीत मतदारांनी कोणाचे पारडे जड केले आणि कोणत्या पक्षाला धक्का दिला, यावर आता राजकीय वर्तुळात मोठी चर्चा सुरू झाली आहे. विशेषतः काही पारंपारिक बालेकिल्ल्यांमध्ये झालेल्या उलथापालथीने सर्वांचे लक्ष वेधून घेतले आहे. मुंबईमध्ये काँग्रेस आणि एमआयएमने जोरदार मुसंडी मारली.

यंदा ३१ मुस्लिम नगरसेवक

मुंबई महापालिकेत यंदा ३१ मुस्लिम नगरसेवक निवडून आले आहेत, ही संख्या २०१७ मधील २७ नगरसेवकांच्या तुलनेत ४ ने वाढली आहे. या समुदायाने पुन्हा एकदा काँग्रेसवर मोठा विश्वास दाखवला असून, एकूण ३१ पैकी १४ नगरसेवक एकट्या काँग्रेसचे आहेत. मात्र, गोवंडीसारख्या भागात मोठा फेरबदल पाहायला मिळाला, जिथे मतदारांनी समाजवादी पक्षाला (SP) नाकारून एमआयएमला (AIMIM) पसंती दिली आहे. निवडून आलेल्या इतर नगरसेवकांमध्ये ७ एमआयएमचे, ३ राष्ट्रवादी (अजित पवार गट), ३ शिवसेना (UBT), २ समाजवादी पक्ष आणि २ शिवसेना (शिंदे गट) अशा उमेदवारांचा समावेश आहे.

मुंबईत काँग्रेसचे पुनरागमन

या निकालांचे विश्लेषण करताना काँग्रेसचे आमदार अमीन पटेल यांनी सांगितले की, "हा निकाल म्हणजे काँग्रेसचे पुनरागमन आहे. समुदायाने राजकीय प्रगल्भता दाखवली असून आमच्या निम्म्या जागांवर मुस्लिम उमेदवार विजयी झाले आहेत." दुसरीकडे, उद्धव ठाकरेंच्या नेतृत्वाखालील शिवसेना (UBT) पक्षाने ९ पैकी ३ जागा जिंकून मुस्लिम मतदारांमध्ये आपली पोहोच वाढवल्याचे चित्र आहे. ससाबा हारून खान (वॉर्ड ६४), सकीना अयुब शेख (१२४) आणि झीशान मुलतानी (६२) हे ठाकरे गटाचे विजयी उमेदवार ठरले आहेत.

राजकीय पक्ष	निवडून आलेले नगरसेवक (२०२६)	२०१७ ची आकडेवारी
काँग्रेस	१४	१५
AIMIM	७	२
शिवसेना (UBT)	३	-
राष्ट्रवादी (अजित पवार)	३	-
समाजवादी पक्ष (SP)	२	६

दरम्यान, समाजवादी पक्षासाठी हा निकाल मोठा धक्का मानला जात आहे, कारण गेली दोन दशके मुंबईतील मुस्लिम मतदारांचा हा पक्ष मुख्य आधार होता. उर्दू टाईम्सचे संपादक सुहेल अहमद यांच्या मते, मुस्लिम मतदारांनी केवळ भाषणांवर न जाता पायाभूत सुविधा आणि आरोग्यासारख्या मूलभूत प्रश्नांना महत्त्व देऊन बदलासाठी मतदान केले आहे. विधानसभा आणि लोकसभा निवडणुकांप्रमाणे या निवडणुकीत मुस्लिम मतदारांनी शिवसेना (UBT) किंवा शरद पवार यांच्या पक्षाला तितकासा पाठिंबा दिला नसल्याचेही या आकडेवारीवरून स्पष्ट होत आहे.