जेन-झी Post Office म्हणजे काय? मुंबईतील पहिल्या 'या' पोस्ट ऑफिसमध्ये काय मिळणार सुविधा?

जेन-झी पोस्ट ऑफिस हे खास करुन विद्यार्थी, तरुण आणि डिजिटल युगातील नागरिकांसाठी तयार करण्यात आले आहे. येथे पारंपरिक टपाल सेवांसोबतच आधुनिक आणि डिजिटल सुविधांचा अनुभव मिळणार आहे. याआधी दिल्ली, केरळ, गुजरात, बिहार आणि आंध्र प्रदेशमध्ये अशा प्रकारची जेन-झी पोस्ट ऑफिस सुरू झाली असून त्यांना चांगला प्रतिसाद मिळाला आहे. त्याचनंतर आता मुंबईत हा उपक्रम राबवण्यात येत आहे.

या जेन-झी पोस्ट ऑफिसमध्ये अनेक खास सुविधा देण्यात येणार आहेत. येथे मोफत वायफाय, कॅफेटेरिया-शैलीतील बैठक व्यवस्था तसेच एक छोटे वाचनालय असणार आहे. तरुणांसाठी स्वतंत्र संगीत रुमही असेल. निवडक टपाल तिकीट संग्रह आणि त्यासंबंधित वस्तू येथे पाहता आणि खरेदी करता येणार आहेत. नागरिकांमध्ये टपाल सेवांबद्दल माहिती देण्यासाठी पार्सल ज्ञान पोस्ट ही संकल्पना राबवली जाणार आहे.