72 तासांपासून झोडपलं, आजही पावसाचा हाहाकार! मुंबईकरांची मोठी तारांबळ! शाळा-कॉलेज बंद, परीक्षा पुढे ढकलल्या

मागच्या 72 तासांपासून पावसाचा नुसता धुमाकूळ चालू आहे. पावसाने अक्षरश: कहर केला, आठवड्याच्या सुरुवातीला झालेल्या अति मुसळधार पावसानं मुंबईची तुंबई झाली. मुंबईच नाही तर उपनगर, ठाणे, पालघर, कोकणासह राज्यातील अनेक जिल्ह्यांमध्ये पुराचं संकट ओढवलं आहे. अनेक ठिकाणी लोकांना रेस्क्यू केलं जात आहे. परिस्थिती भीषण झाली आहे. घराबाहेर पडायचे वांदे झाले आहेत. राज्यात सोमवारी मुसळधार पावसाने अक्षरशः धुमाकूळ घातला. हवामान खात्याने आज मुंबई, उपनगर, कोकण आणि मध्य महाराष्ट्रातील घाटमाथ्यावर अतिमुसळधार पावसाचा इशारा दिला आहे. तर पठारी भागात यलो अलर्ट जारी केला आहे.