Mumbai News : मालाडमध्ये गॅस सिलेंडरचा काळाबाजार, 13 जणांनी 'अशी' शक्कल लढवली पोलीसही हादरले!

Mumbai Gas Issue : संकेत वरक, मुंबई : आंतरराष्ट्रीय पातळीवर सध्या अमेरिका–इस्त्रायल–इराण संघर्षाच्या पार्श्वभूमीवर राज्यात आणि मुंबईत गॅसचा तुटवडा निर्माण झाला आहे. या तुटवड्यामुळे मुंबईतील खाऊगल्ल्या बंद पडल्या आहेत. चौका चौकात लागणारे वडा पाव स्टॉल बंद झाले आहेत.त्याचसोबत सर्वसामान्य नागरीक गॅससाठी एजन्सीबाहेर लांबच लांबा रांगा लावत आहेत. याच परिस्थितीचा फायदा घेऊन एका टोळीने गॅसचा काळाबाजार सूरू केला होता. या घटनेची माहिती मालाड पोलिसांना मिळताच त्यांनी धडक कारवाई करत 13 जणांविरूद्ध गुन्हे दाखल केले आहेत. त्याचसोबत आरोपींकडून गॅस सिलेंडरचा साठाही जप्त करण्यात आला आहे.