मोठी बातमी! पोलिस अधिकारी आणि कर्मचाऱ्यांसाठी 45 हजार घरे उभारणार; कुठे, कधी मिळणार?
Last Updated:
Government Homes For Police Officers In Mumbai : मुंबईतील पोलीस अधिकारी आणि कर्मचाऱ्यांसाठी 45 हजार शासकीय निवासस्थानांची टाऊनशिप उभारण्याचा महाराष्ट्र सरकारने निर्णय घेतला.
मुंबई : मुंबईतील पोलीस अधिकारी आणि कर्मचारी यांच्यासाठी सुमारे 45 हजार शासकीय निवासस्थान उपलब्ध करण्यासाठी 'पोलिस हाऊसिंग टाऊनशिप' प्रकल्प राबविण्याचा निर्णय राज्य मंत्रिमंडळाने घेतला आहे. मुख्यमंत्री देवेंद्र फडणवीस यांच्या अध्यक्षतेखाली मंत्रिमंडळाच्या बैठकीत हा निर्णय मंजूर झाला. हा प्रकल्प सार्वजनिक बांधकाम विभागाअंतर्गत राज्य पायाभूत सुविधा महामंडळाद्वारे उभारला जाणार आहे.
पोलीस कुटुंबांच्या डोक्यावर हक्काचे छप्पर
या टाऊनशिपमध्ये सुमारे पाच कोटी चौरस फूट क्षेत्र विकसित केले जाणार असून त्यासाठी अंदाजे 20 हजार कोटी रुपये खर्च अपेक्षित आहे. यासाठी 30 टक्के निधी शासन पुरवेल आणि उर्वरित 70 टक्के निधी विविध बँक आणि वित्तीय संस्थांकडून कर्ज स्वरूपात उपलब्ध होईल.
मुंबईत वाढती लोकसंख्या लक्षात घेता सुरक्षा यंत्रणेची गरज आहे. पोलीस दलातील अधिकारी-कर्मचारी जवळच निवास करत असल्यास ते अधिक तत्परतेने आणि कार्यक्षमतेने आपले काम करू शकतील. मुंबई पोलीस दलात सध्या 51 हजार 308 कर्मचारी काम करतात, परंतु फक्त 22 हजार 904 निवासस्थान उपलब्ध आहेत. त्यापैकी 3 हजार 777 निवासस्थाने जीर्ण किंवा वापरण्यास अयोग्य आहेत.
advertisement
सध्या दर महिन्याला चारशे ते पाचशेहून अधिक अधिकारी-कर्मचारी निवासस्थानांसाठी अर्ज करतात, पण जागा नाहीत. त्यामुळे पोलीसांना रोजच प्रवास करून कामावर यावे लागते. पोलीसांच्या कामाच्या स्वरूपानुसार कार्यालयाजवळ निवासस्थान असणे आवश्यक आहे. त्यामुळे स्वतंत्र टाऊनशिप उभारण्याचा निर्णय घेण्यात आला आहे.
Click here to add News18 as your preferred news source on Google. मुंबई आणि पुण्यासह महाराष्ट्रातील महानगरपालिका निवडणुकीचे निकाल पाहण्यासाठी येथे क्लिक करा आणि ताज्या निवडणूक बातम्या तसेच अपडेट्सची यादी मिळवा.
Location :
Mumbai,Maharashtra
First Published :
Jan 18, 2026 9:53 AM IST
मराठी बातम्या/मुंबई/
मोठी बातमी! पोलिस अधिकारी आणि कर्मचाऱ्यांसाठी 45 हजार घरे उभारणार; कुठे, कधी मिळणार?
