RailOne अ‍ॅपवरून तिकीट बुक करा अन् थेट 3% डिस्काउंट मिळवा; सुविधा कधीपर्यंत?

आतापर्यंत प्रवाशांना आर-वॉलेटद्वारे पेमेंट केल्यासच 3 टक्के सूट मिळत होती. मात्र आता रेलवन अॅपवरून तिकीट बुक केल्यासही हा फायदा मिळणार आहे. विशेष म्हणजे आर-वॉलेटवरील सध्याचा 3 टक्के डिस्काउंट कायम राहणार असून त्यात कोणताही बदल करण्यात आलेला नाही.ही सुविधा १४ जानेवारी २०२६ पासून सुरू झाली असून १४ जुलै २०२६ पर्यंत लागू राहणार आहे.

रेलवन अॅपवरून अनारक्षित तिकीट बुक करण्याची प्रक्रिया अतिशय सोपी आहे. सर्वप्रथम रेलवन अॅप डाउनलोड करावा लागेल. त्यानंतर IRCTC किंवा UTS आयडीच्या मदतीने लॉग इन करायचं आहे. लॉग इन झाल्यानंतर होम स्क्रीनवर अनारक्षित तिकीट हा पर्याय दिसेल. त्यावर क्लिक करून प्रवासासाठी आवश्यक स्टेशन, तिकीटाचा प्रकार आणि प्रवाशांची संख्या निवडायची आहे.