पोराने केले कांड, बापाने गमावलं पद; मुख्यमंत्री शिंदेंच्या आदेशावरून शिवसेनेनं केली कारवाई

मुंबई : वरळी हिट अँड रन प्रकरणातील आरोपी मिहीऱ शहा याच्या वडिलांवर शिवसेना शिंदे गटाने कारवाई केलीय. मिहीर शाहचे वडील राजेश शाह हे शिवसेना उपनेते होते. हिट अँड रन प्रकरणावरून आरोप झाल्यानंतर शिवसेना पक्षाकडून राजेश शाह यांना कार्यमुक्त करण्यात आले आहे. शिवसेना मुख्यनेते आणि मुख्यमंत्री एकनाथ शिंदे यांच्या आदेशानुसार ही कारवाई करण्यात आलीय. सोमवारी वरळीत दुचाकीवरून जाणाऱ्या दाम्पत्याला मिहीर शाह याच्या बीएमडब्ल्यू कारने उडवलं होतं. त्यानंतर महिलेला दोन किलोमीटरपर्यंत फरफटत नेलं होतं. यात महिलेचा मृत्यू झाला होता.