Solapur To Indore Flight Service : सोलापूर ते इंदूर थेट हवाईप्रवास, लवकरच झेपावणार विमान, पाहा वेळापत्रक

सुरु होत असलेली ही विमानसेवा आठवड्यातून तीन दिवस चालणार असून सोमवार, बुधवार आणि गुरुवार या दिवशी प्रवाशांना या सेवेचा लाभ घेता येणार आहे. सोलापूर आणि इंदूर या दोन महत्त्वाच्या शहरांमधील अंतर आता हवाई मार्गाने कमी वेळेत पार करता येणार असल्याने व्यापारी, व्यावसायिक, विद्यार्थी तसेच सर्वसामान्य प्रवाशांसाठी ही सेवा उपयुक्त ठरणार आहे.

उद्यापासून सोलापूर-मुंबई-इंदूर अशी ही विस्तारित विमानसेवा सुरू होत आहे. वेळापत्रकानुसार सोलापुरातून दुपारी 2.50 वाजता विमान उड्डाण घेईल. सुमारे 1 तास 5 मिनिटांच्या प्रवासानंतर दुपारी 3.55 वाजता हे विमान मुंबईत पोहोचेल. मुंबई विमानतळावर सुमारे 45 मिनिटांचा थांबा घेतल्यानंतर दुपारी 4.35 वाजता विमान इंदूरसाठी रवाना होईल. त्यानंतर संध्याकाळी 5.50 वाजता विमान इंदूर विमानतळावर पोहोचणार आहे.