Success Story: दररोज 30 वडा पाव फ्री वाटले अन् महिन्याला कमावले 90 हजार; बंपर कमाईची अफलातून आइडिया

असाच काहीसा पराक्रम कल्याणच्या प्रवीण घारे यांनी केला आहे. प्रवीण घारे यांनी बिझनेसमध्ये प्रबळ इच्छा शक्ती कायम ठेवून लहान गोष्ट मोठी करून दाखवलीये. पेशाने शिक्षक असलेल्या प्रवीण यांनी सहा वर्षांपूर्वी त्यांच्या वडिलांसोबत एक छोटासा वडापावचा स्टॉल सुरू केला. सुरुवातीला हाताच्या बोटावर मोजण्या इतकेच ग्राहक त्यांच्या स्टॉलवर यायचे, त्यामुळे त्यांचा धंदा फार कमी चालत होता, परंतु प्रवीण आपल्या निर्णयावर ठाम राहिले. पण त्यांनी हार न मानता, न डगमगता प्रयत्न कायम ठेवले.

जर, धंद्याची सुरूवातच हळू हळू झाली, तर सहाजिकच कुठलाही व्यक्ती निराश होण्याची शक्यता आहे. पण प्रवीण न डगमगता पुढे आला. ग्राहकांना आकर्षित करण्यासाठी त्याने एक अनोखी आणि धाडसी रणनीती निवडली. त्याने वर्षभर दररोज ग्राहकांना 30 वडापाव मोफत द्यायचा सहाजिकच त्याच्यासाठी हा निर्णय त्याचे नुकसान करणाराच होता, परंतु ग्राहकांना त्याच्या वडापावची चव इतकी आवडली, की हळूहळू दुकानाला ओळख मिळाली. ही मोफत वडापाव रणनीती त्याच्या व्यवसायासाठी एक टर्निंग पॉइंट ठरली.

आज, तोच वडा पाव स्टॉल एका यशस्वी व्यवसायात विकसित झाला आहे. प्रवीणला महिन्याकाठी वडापावाच्या बिझनेसमधून अंदाजे 90,000 रूपयांचा नफा होतो. प्रवीण आणि त्याच्या वडिलांच्या मेहनती स्वभावाला तेथील स्थानिक लोकं यशाचे श्रेय देत असतात. प्रवीणची कहाणी ही याचा पुरावा आहे की, जर एखाद्याच्या विचारसरणीत जिद्द आणि आत्मविश्वास असेल तर ती कोणत्याही क्षेत्रात यश प्राप्त करू शकते. शिक्षक ते यशस्वी उद्योजक हा प्रवास अशा सर्वांसाठी प्रेरणादायी आहे, जे सामान्य सुरुवातीपासून मोठी उंची गाठण्याचे स्वप्न पाहतात. ही कहाणी दाखवते की कामाचे स्वरूप काहीही असो, जर तुम्ही कठोर परिश्रम, वेळ आणि कुठलेही जर नवीन काम केले, तर सहाजिकच तुम्हाला यश प्राप्त होईल.