Shocking Accident : कामानिमित्ताने जायला निघाली अन् काळानं गाठलं, रॅपिडो बाइक अपघातात पहिलाच मृत्यू, ठाण्याची घटना
Last Updated:
Rapido Bike Taxi Accident News : मुंबईत रॅपिडो बाइक टॅक्सीला भरधाव मिक्सर ट्रकने धडक दिली. यात महिला प्रवासी ठार झाली असून तर चालक गंभीर जखमी झाला. नवघर पोलिसांनी मिक्सर ट्रक चालकाविरुद्ध गुन्हा दाखल केला आहे.
मुंबई : एका क्षणात होत्याचे नव्हते करणारा तो भीषण अपघात झाला, ज्यात 49 वर्षांच्या शुभांगी मगरे यांच्यासाठी रॅपिडो बाईक टॅक्सीची ती राईड शेवटची ठरलेली आहे. कामावर वेळेत पोहोचण्यासाठी त्यांनी ॲपवर टॅक्सी बुक केली आणि नियतीने त्यांच्यासाठी घात रचला होता.
प्रवासाला निघालेल्या महिलेचा जागीच मृत्यू
मिळालेल्या माहितीनुसार, ऐरोली जंक्शनजवळून जात असतान भरधाव असलेल्या मिक्सर ट्रकने जोरदार धडक दिली आणि सगळं काही क्षणात संपलं, ज्या शुभांगी यांचा जागीच दुर्दैवी मृत्यू झाला, तर चालक गणेश माधव (वय29) गंभीर जखमी झालेला आहे.
सर्वात सोपा पर्याय
आजच्या धावपळीच्या जीवनात अनेकजण रॅपिडो सारख्या बाईक टॅक्सी पर्याय वापरत असतात. स्वस्त, वेगवान आणि सोयीस्कर असे हे प्रवासाचे साधन आहे, पण या झालेल्या अपघाताने प्रवाशांच्या सुरक्षिततेचा गंभीर प्रश्न पुन्हा एकदा ऐरणीवर आणला आहे.
advertisement
रॅपिडो बाईक टॅक्सीचा पहिला मृत्यू
एका क्षुल्लक अपघाताने एका महिलेचा जीव घेतला. घडलेल्या घटनेप्रकरणी नवघर पोलिसांनी गुन्हा दाखल केला असून हा रॅपिडो बाईक टॅक्सी अपघातातील पहिलाच मृत्यू असल्याचे मानले जात आहे. ही घटना प्रत्येकाच्या काळजाचा थरकाप उडवणारी आहे आणि प्रवासाच्या प्रत्येक निर्णयावर विचार करायला लावणारी आहे.
रॅपिडो बाईकवर प्रवासाला निघाली, महिलेसोबत रस्त्यातच घडला भयंकर अपघात, जागीच दुर्देवी मृत्यू ; रॅपिडो बाईक टॅक्सी अपघातातील पहिलाच मृत्यू असल्याचे समोर येत आहे.
view commentsLocation :
Mumbai,Maharashtra
First Published :
November 30, 2025 9:00 AM IST
मराठी बातम्या/मुंबई/
Shocking Accident : कामानिमित्ताने जायला निघाली अन् काळानं गाठलं, रॅपिडो बाइक अपघातात पहिलाच मृत्यू, ठाण्याची घटना
