Asaduddin Owaisi : 'जय भीम, जय तेलंगणा, जय...' शपथ घेताना ओवेसींच्या घोषणांवरून गदारोळ, भाजपने केली मोठी मागणी

नवी दिल्ली : 18व्या लोकसभेसाठी निवडून आलेल्या सदस्यांचा शपथविधी सोमवारपासून होत आहे. सभागृहाचे प्रोटेम स्पीकर भर्तृहरि महताब हे एक एक करून सर्व सदस्यांना सभागृहाच्या सदस्यत्वाची शपथ देत आहेत. सोमवारी पंतप्रधान नरेंद्र मोदी यांनी पहिल्यांदा लोकसभा सदस्य म्हणून शपथ घेतली. यावेळी अनेक खासदार स्थानिक भाषा, तर वेगवेगळा जयकार करुन शपथ घेताना पाहायला मिळाले. दरम्यान, AIMIM नेते असदुद्दीन ओवेसी (asaduddin owaisi take oath as member of parliament) यांनी शपथ घेतल्यानंतर दिलेल्या घोषणेवरुन वादात सापडण्याची शक्यता आहे.