Ayodhya News : राम मंदिराची सुरक्षा करणाऱ्या SSF च्या जवानाचा गोळी लागून मृत्यू

या जवानाच्या मृत्यूनंतर रामजन्मभूमीमध्ये खळबळ उडाली आहे. ही घटना मंगळवारी रात्री उशिरा घडल्याची माहिती मिळाली आहे. नेमकी या जवानाला गोळी लागली कशी याबाबत आता चौकशी करण्यात येणार आहे.

रामलल्लाच्या सुरक्षेसाठी CRPF ऐवजी SSF या विशेष तुकडीची नेमणूक करण्यात आली होती. रामजन्मभूमी परिसराची सुरक्षा अभेद्य करण्यासाठी सर्वतोपरी प्रयत्न केले जात आहेत. या सुरक्षा व्यवस्थेत एसएसएफ तुकडी तैनात करण्यात आली आहे. त्यांना वेगळ्या प्रकारचं ट्रेनिंगही देण्यात आलं आहे. त्यांच्यासोबत स्थानिक पोलिसांचीही तुकडी काम करत आहे.