Budget Session 2024 : राहुल गांधींची अर्थसंकल्पावर टीका, अर्थमंत्री सीतारमण यांनी डोक्याला लावला हात

दिल्ली : अर्थसंकल्पीय अधिवेशनाच्या दुसऱ्या आठवड्यात विरोधी पक्षनेते राहुल गांधी यांनी अर्थसंकल्पावरून सरकारवर निशाणा साधला. त्यांनी म्हटलं की, गेल्या दहा वर्षात देशात ७० पेपरफुटीच्या घटना घडल्या. अर्थसंकल्पाच्या भाषणात पेपरफुटीचा उल्लेखही केला नाही. अर्थसंकल्पीय अधिवेशनावर राहुल गांधींच्या भाषणावेळी लोकसभेत गदारोळ झाला. राहुल गांधींवर टीका करताना मंत्री किरेन रिजिजू यांनी म्हटलं की, तुम्हाला सभागृहाचे नियम माहिती नाहीत का? तुम्ही सदनाच्या अध्यक्षांना आव्हान देताय.